1993 జనవరి 14న తమిళంలో ‘వాల్టర్ వెట్రివేల్’ (Walter Vetrivel) అనే సినిమా రిలీజ్ అయ్యింది. ఇప్పుడు ‘కట్టప్ప’ గా పిలవబడుతున్న సత్యరాజ్ (Sathyaraj) ఇందులో హీరో. సుకన్య (Sukanya) హీరోయిన్ గా నటించింది. తమిళ్ లో బ్లాక్ బస్టర్ గా నిలిచింది ఈ సినిమా. ఆ తర్వాత హిందీలో ‘ఖుద్దర్’ (Khuddar) గా రీమేక్ చేశారు.1994 మార్చి 25న రిలీజ్ అయిన ఈ సినిమా.. అక్కడ కూడా మంచి విజయాన్ని నమోదు చేసింది.
దీంతో మినిమమ్ గ్యారంటీ అని భావించి… తెలుగులో ఈ చిత్రాన్ని చిరంజీవి (Chiranjeevi) తో రీమేక్ చేయడానికి రెడీ అయ్యారు అల్లు అరవింద్ (Allu Aravind). దర్శకుడిగా రవిరాజా పినిశెట్టిని తీసుకున్నారు. చిరు సరసన హీరోయిన్ గా శ్రీదేవి (Sridevi) ని తీసుకున్నారు. విశాల్ (Vishal) తండ్రి జి.కె.రెడ్డి (G. K. Reddy) నిర్మాత. ఇలాంటి కాంబోలో సినిమా అంటే.. అంచనాలు నార్మల్ గా ఉంటాయా.!
1994 జూన్ 16న గ్రాండ్ గా రిలీజ్ అయ్యింది ఈ సినిమా. చిరు ఇందులో పవర్ఫుల్ పోలీస్ ఆఫీసర్ గా నటించారు. అప్పటివరకు చిరు పెర్ఫార్మన్స్ వేరు. ఈ సినిమాలో చిరు పెర్ఫార్మన్స్ వేరు. యాంగ్రీ పోలీస్ గా అదరగొట్టారు. కానీ సినిమా మాత్రం దారుణంగా ప్లాప్ అయ్యింది. హిట్టు సినిమాకి రీమేక్ కదా అని చెప్పి.. సరైన రైటింగ్ టీం లేకుండా రవిరాజా పినిశెట్టి (Ravi Raja Pinisetty) కి దర్శకత్వం బాధ్యతలు అప్పగించేశారు.
దీంతో ఒరిజినల్ ని యదాతదంగా దించేశారు రవిరాజా పినిశెట్టి (Ravi Raja Pinisetty). ఈ క్రమంలో హీరో తమ్ముడు బ్లూ ఫిలిమ్స్ తీసే కెమెరామెన్ గా పనిచేయడం.. చివరి వరకు హీరో ఆ విషయాన్ని తెలుసుకోలేకపోవడం, స్వయంగా హీరోయిన్ శ్రీదేవి (Sridevi)) బ్లూ ఫిలిం తీయడానికి కూడా అతను విలన్ గ్యాంగ్ తో రెడీ అవ్వడం.. అలాగే అతని పాత్రకి పెట్టిన బ్యాక్ స్టోరీ, శ్రీదేవి (Sridevi)) కళ్ళు పోవడం వంటివి తెలుగు ప్రేక్షకులకి కనెక్ట్ అవ్వలేదు. రీమేక్ తీస్తున్నప్పుడు ఆయా రాష్ట్రాల్లోని ప్రేక్షకుల నాడి పట్టుకోవడం చాలా ముఖ్యం. ఆ విషయంలో ఎస్.పి.పరశురాం (S. P. Parasuram) విఫలమైంది. చిరు కష్టం వేస్ట్ అయిపోయింది. నేటితో ఈ సినిమా రిలీజ్ అయ్యి 31 ఏళ్ళు పూర్తి కావస్తోంది.
Home