Varun Tej: పెదనాన్న.. బాబాయిని చూశాక కూడా రీమేక్‌కి రెడీ అవుతున్నాడా?

ఓ విజయం మనలో తీసుకొచ్చిన మార్పు కంటే.. ఓ పరాజయం తీసుకొచ్చే మార్పు చాలా గొప్పది అంటుంటారు. దీనిని సినిమాలకు అన్వయించుకుంటే ఓ సినిమా విజయం ఇచ్చిన జ్ఞానం కంటే డిజాస్టర్‌ ఇచ్చే జ్ఞానం చాలా ఎక్కువ. ఈ విషయం మన సినిమా హీరోలకు బాగా తెలుసు. రీసెంట్‌గా అయితే మెగా ఫ్యామిలీ హీరోలకు ఇంకా బాగా తెలిసింది. ఇద్దరు అగ్ర హీరోలు అలా రీమేక్‌లు చేసి ఇబ్బందికర ఫలితం అందుకున్నారు.అయినా, ఆ సినిమాలు వచ్చాయి వెళ్లాయి కదా..

Varun Tej

ఇప్పుడెందుకు చర్చ అనుకుంటున్నారా? వచ్చి వెళ్లినా, అంతలా గుచ్చి వెళ్లినా ఆ ఫ్యామిలీలోని ఓ హీరోకు ఇంకా పరిస్థితి అర్థం కావడం లేదని అనిపిస్తోంది. ఆ హీరోనే వరుణ్‌తేజ్‌. టాలీవుడ్‌ వర్గాల సమాచారం ప్రకారం వరుణ్‌ తేజ్‌ (Varun Tej) ఇటీవల ఓ సినిమా విషయంలో ఆసక్తిగా ఉన్నాడు అంటున్నారు. అదే ఇటీవల బాలీవుడ్‌లో మంచి విజయం అందుకున్న ‘కిల్‌’. హిందీలో ఇటీవల వచ్చిన ఈ చిన్న పెద్ద హిట్‌, ఇంకా పెద్ద పేరు, మంచి మొత్తంలో వసూళ్లు అందుకుంది.

ఈ సినిమా ఈ సినిమా రీమేక్ హక్కులను ప్రముఖ నిర్మాత కోనేరు సత్యనారాయణ తీసుకున్నారని టాక్‌. ఈ సినిమాను తెలుగులో తీయాలనిఆ ఆయన ప్రయత్నం. దర్శకుడిగా రమేష్ వర్మ (Ramesh Varma) లేదా మరెవరైనా ఓకే అవుతారు అని అంటున్నారు. ఈ క్రమంలో హీరో ఎవరు అనేది తెలియడం లేదు. అయితే.. సన్నిహిత వర్గాల సమాచారం ప్రకారం వరుణ్ తేజ్‌ అయితే బాగుంటుందనే అభిప్రాయం ఉన్నట్లు తెలుస్తోంది. ఆయన కూడా ఆసక్తిగా ఉన్నారని ఓ వార్త బయటకు వచ్చింది.

ఎందుకుంటే వైవిధ్యమైన సబ్జెక్ట్ వస్తే వదిలేయడం ఆయనకు అలవాటు లేదు. అయితే ‘కిల్‌’ సినిమా ఓటీటీలో బాగా పాపులర్ అయిన సినిమా. ఇప్పుడు రీమేక్‌ అంటే ‘కాటమరాయుడు’ (Katamarayudu), ‘భోళా శంకర్‌’ (Bhola Shankar) గుర్తొస్తున్నాయి. ఆ రెండు సినిమాల మాతృకలను జనాలు బాగా ఓటీటీలో చూసేశారు. కానీ చిరంజీవి (Chiranjeevi) , పవన్‌ (Pawan Kalyan) ఆ సినిమాలు చేసి దెబ్బతిన్నారు. అంత చూసినా వరుణ్‌ ఎందుకు ఇలా చేస్తున్నాడో తెలియాలి. అయితే ఆయన గతంలో ‘జిగర్తండా’ను (Jigarthanda) ‘గద్దల కొండ గణేశ్‌’ (Gaddalakonda Ganesh) అంటూ రీమేక్‌ చేసి అదరగొట్టాడు. ఆ ధైర్యమేమో అని ఓ డౌట్‌.

 సూర్య కామెంట్లతో అభిమానుల్లో కొంతైనా మార్పు వస్తుందా?