Matka Movie: యథార్థ సంఘటనల ఆధారంగా వరుణ్‌ తేజ్‌ మట్కా… ప్రత్యేకతలు ఇవే!

సగటు సినిమాలు కంటే వైవిధ్యం ఉన్న సినిమాలు చేయడానికే వరుణ్‌తేజ్‌ ప్రయత్నం చేస్తుంటాడు. అయితే అవి మాస్‌ సినిమాలే అయ్యేలా చూసుకుంటూ ఉంటాడు. ఈ క్రమంలో ‘మట్కా’ అనే సినిమా ఓకే చేశాడు. సినిమా పేరు, టీజర్‌ పోస్టర్‌లు, లీకులు, పుకార్ల బట్టి చూస్తే ఈ సినిమా ఏ మాత్రం సగటు మాస్‌ సినిమా కాదని, అలా వరుణ్‌ తేజ్‌ పాత్ర కూడా అంత ఈజీగా ఉండబోదు అని అంటున్నారు. ఎందుకంటే ఈ సినిమాలో వరుణ్‌ నాలుగు రకాల పాత్రల్లో కనిపిస్తాడట.

‘ఆపరేషన్‌ వాలెంటైన్‌’ సినిమాతో పాన్‌ ఇండియా ఎంట్రీ త్వరలో ఇవ్వనున్నాడు వరుణ్‌ తేజ్‌. ఆ సినిమా విడుదలయ్యే లోపే కొత్త సినిమా (Matka Movie) ‘మట్కా’ షూటింగ్‌ కోసం రంగంలోకి దిగనున్నాడు. కరుణ కుమార్‌ దర్శకత్వంలో రూపొందనున్న ఈ సినిమా గురించి కొన్ని ఆసక్తికర విషయాలు బయటకు వచ్చాయి. నోరా ఫతేహి, మీనాక్షి చౌదరి కథానాయికలుగా నటిస్తున్న ఈ సినిమా షూటింగ్ డిసెంబరు నెలలో మొదలవుతుంది. ఈ మేరకు సినిమా నిర్మాణ సంస్థ అధికారికంగా చెప్పింది.

1958-82 మధ్య జరిగే కథతో ఈ సినిమా రూపొందుతోందట. యావత్‌ దేశాన్ని కదిలించిన యథార్థ సంఘటనల ఆధారంగా ఈ సినిమా కథను సిద్ధం చేసుకున్నారట. విశాఖపట్నం నేపథ్యంలో సాగే ఈ సినిమా కోసం 1960ల నాటి విశాఖపట్నం నగరాన్ని హైదరాబాద్‌లో నిర్మిస్తున్నారట. ఈ మేరకు సెట్‌ వర్క్‌ శరవేగంగా జరుగుతోందట. నలుగురు యాక్షన్‌ కొరియోగ్రాఫర్లతో యాక్షన్‌ సన్నివేశాలు తెరకెక్కిస్తారట.

24 ఏళ్ల వ్యవధి ఉన్న ఈ కథలో వరుణ్‌ తేజ్‌ నాలుగు గెటప్పుల్లో కనిపిస్తాడట. ఇక ఈ సినిమాను తెలుగు, తమిళ, కన్నడ, మలయాళ, హిందీ భాషల్లో విడుదల చేస్తారట. సినిమా టీమ్‌ చెప్పినట్లు 60ల కాలం నుండి 80ల కాలం ఆఖరి వరకు ఉత్తరాంధ్రలో మట్కా ఆట సాగేది. ఈ ఆట ఎన్నో కుటుంబాలను రోడ్డును పడేసింది అని చెబుతారు. అయితే దాని వల్ల బాగుపడిన వాళ్లు కూడా ఉన్నారు. మరి ఈ సినిమాలో ఏం చూపిస్తారో చూడాలి.

ఆదికేశవ్ సినిమా రివ్యూ & రేటింగ్!

కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!