సినిమా ఇండస్ట్రీలో హీరోలు (Heroes), డైరెక్టర్లు తీసుకునే రెమ్యూనరేషన్ గురించి తరచూ చర్చలు జరుగుతూనే ఉంటాయి. కానీ ఆ మొత్తంలో ఎంత వరకు పద్ధతిగా ఉంటుంది? ఎంత బ్లాక్ పద్ధతిలో తీసుకుంటారు అన్నది ప్రశ్నార్థకమే. పెద్ద మొత్తంలో రెమ్యూనరేషన్ తీసుకుంటున్న వారి కోసం నిర్మాతలు బ్లాక్‌లో డబ్బు సేకరించాల్సి వస్తుందన్న మాట వినిపిస్తోంది. ఇది టాలీవుడ్ నిర్మాతలకు తలనొప్పిగా మారిందని పలువురు ప్రముఖులు చెప్పుకుంటున్నారు. ముఖ్యంగా 10 కోట్లకు పైగా రెమ్యూనరేషన్ తీసుకునే హీరోలు, డైరెక్టర్లు సగం లేదా కొంత భాగం బ్లాక్ పద్ధతిలో తీసుకుంటున్నారని ఇండస్ట్రీ వర్గాలు అంటున్నాయి.
ఇదే సమస్య కారణంగా ఆదాయపన్ను శాఖ వారి లావాదేవీలను పరిశీలించాల్సిన పరిస్థితి వచ్చిందని కొందరు నిర్మాతలు అభిప్రాయపడుతున్నారు. తాము సమస్యలను ఎదుర్కొంటున్నామని, కొంత మంది హీరోలు బ్లాక్ పద్ధతికి దూరంగా ఉంటేనే పన్ను ఇబ్బందులు తప్పుతాయని చెబుతున్నారు. ఇక టాలీవుడ్ లో ఉన్న కొన్ని వర్గాల టాక్ ప్రకారం, పెద్ద మొత్తంలో రెమ్యూనరేషన్ తీసుకునే హీరోలు పూర్తిగా వైట్ పద్ధతిలోనే తీసుకుంటున్నారని అంటున్నారు.
కానీ వాస్తవానికి అది ఎంతవరకు నిజమో తెలియాలంటే, అధికారులు పరిశీలిస్తేనే తెలుస్తుంది. ఇదే సమయంలో, పాత కాలంలో హీరోల ఇళ్ల మీద జరిగిన ఐటీ దాడులు ఇప్పటి వరకు కనబడటం లేదు. కానీ నిర్మాతల మీద మాత్రం దాడులు కొనసాగుతున్నాయి. పలు మార్లు, బ్లాక్ పద్ధతిలో తీసుకునే డబ్బు కారణంగా కొన్ని సినిమాలు పూర్తి కాకుండా ఆగిపోయిన సందర్భాలు ఉన్నాయి. దర్శకుల, నిర్మాతల సమస్యలు కూడా అందువల్లే తలెత్తుతుంటాయి.
కొంత మంది హీరోలు, డైరెక్టర్లు మాత్రం ఈ విషయంలో స్పష్టమైన పద్ధతులను పాటిస్తున్నారని ఇండస్ట్రీ వర్గాల టాక్. కానీ మొత్తం పరిశ్రమ ఈ విషయంలో పారదర్శకతను ప్రదర్శించాలని పలువురు కోరుతున్నారు. నిజంగా అందరూ హీరోలు వారి రెమ్యునరేషన్స్ విషయంలో ఓపెన్ గా క్లారిటీ ఇవ్వగలరా అనేది మరోక ప్రశ్న. ఏదేమైనా ఈ పరిస్థితుల్లో, టాలీవుడ్‌లో బ్లాక్ పద్ధతిని తగ్గించేందుకు హీరోలు, డైరెక్టర్లు ముందుకు రావడం ఎంతో అవసరం.
నేను రెమ్యూనరేషన్ ఎప్పుడూ వైట్ లోనే తీసుకుంటాను..
నేను ఎక్కువ డబ్బులు తీసుకోను కూడా – వెంకటేష్#Venkatesh #AnilRavipudi #SankranthikiVasthunam pic.twitter.com/ShpYjivWTN
— Filmy Focus (@FilmyFocus) January 23, 2025
