‘ఆర్ఆర్ఆర్’ సినిమా గురించి మాట్లాడేటప్పుడు ‘నాటు నాటు’ పాట గురించి, అందులో రామ్‌చరణ్‌, ఎన్టీఆర్‌ ఒకే సింక్‌లో వేసిన హుక్‌ స్టెప్‌ గురించి కచ్చితంగా మాట్లాడుకుంటారు. ఒకవేళ మాట్లాడలేదు అంటే… ఆ సినిమా గురించి అంతగా ఫాలో అవ్వలేదనే చెప్పాలి. ఈసారి కాదు కానీ, మొన్నామధ్య సంక్రాంతికి సినిమా విడుదల చేస్తారు అనుకున్నప్పుడు ఆ పాట గురించి అంతగా మాట్లాడారు. సినిమాలో ఆ హుక్‌ స్టెప్‌ గురించి పదే పదే చెప్పారు, డ్యాన్స్‌లు వేసి చూపించారు కూడా. ఈ పాట గురించి పుంకాలు పుంకాలు చెప్పారు.
Click Here To Watch NEW Trailer
అయితే తాజాగా ఈ పాట గురించి మరో ఆసక్తికర విషయం బయటికొచ్చింది. నాటు నాటు పాట కోసం అందులోనూ ఆ హుక్‌ స్టెప్‌ కోసం 17 టేక్‌లు తీసుకున్నారని చాలా రోజపులుగా రామ్‌చరణ్‌, తారక్‌ చెబుతూ వస్తున్నారు. తాము ఎన్నిసార్లు చేసినా… ఇద్దరి సింక్‌ పర్‌ఫెక్ట్‌గా లేదంటూ రాజమౌళి 17 టేకులు చేయించారు. అయితే అందులో ఆఖరిదైన 17వ టేక్‌ ఓకే అయ్యిందని అందరూ అనుకుంటున్నారు. అయితే ఓకే అయ్యింది రెండో టేకేనట. ట్విస్ట్‌ అదిరింది కదా. ఇటీవల ఈ విషయం తారక్‌, చరణ్‌ చెప్పారు.
సినిమా ప్రచారంలో భాగంగా వరుస ఇంటర్వ్యూలు ఇస్తూ వస్తున్న ‘ఆర్ఆర్ఆర్’ టీమ్ ఈ విషయాన్ని చెప్పుకొచ్చింది. 17 టేక్‌లు పూర్తయ్యాక… దేన్ని ఓకే చేశారు అనే విషయం తెలుసుకుందాం అని చూస్తే… రెండో టేక్‌ బాగుందని, అదే తీసుకున్నారని తెలిసిందట తారక్‌, చరణ్‌కు. దీంతో వారిద్దరూ ఖంగు తిన్నారట. రెండో టేక్‌ కుదిరినప్పుడు దాన్ని ఓకే చేయకుండా… అదనంగా 15 టేక్‌లు ఎందుకు చేయించడం అనుకున్నారట. మరి ఆ మాట అప్పుడన్నారో లేదో తెలియదుకానీ… ఇప్పుడైతే అన్నారు.
అన్నట్లు దీనికి రాజమౌళి చెప్పిన సమాధానం అయితే ఇంకా సూపర్‌. అన్ని టేక్‌లు తీసుకొని, ఎడిటింగ్‌ టేబుల్‌ మీద చూసినప్పుడు రెండోదే బాగుంది అనిపించింది అందుకే అదే తీసుకున్నా అని అన్నారు. మిగిలిన టేక్స్‌లో చిన్న చిన్న సింక్‌ ఇష్యూస్‌ ఉన్నాయని గమనించాను అని చెప్పారు రాజమౌళి. జక్కన్న పర్‌ఫెక్షన్‌కి ఇది ఓ ఉదాహరణ మాత్రమే అంటున్నారు అతని రామ్‌ – భీమ్‌. అదేనండి చరణ్‌, తారక్‌.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home