స్టార్ డైరెక్టర్స్ ముందు జాగ్రత్తలు.. గ్యాప్ కూడా ఇవ్వట్లే..!

ఇప్పటి దర్శకుల పనితీరులో వచ్చిన మార్పులు పరిశీలిస్తే, వాళ్లు చాలా ముందే తమ ప్రాజెక్టులను ప్లాన్ చేసుకుంటున్నారు. గతంలో దర్శకులు కథను సిద్ధం చేసుకోవడం, హీరో కోసం వేచి ఉండడం, అలాగే స్క్రిప్ట్ ఫైనల్ కావడం లాంటి విషయాల్లో ఎక్కువ సమయం తీసుకునేవారు. అయితే ఇప్పటి స్టార్ డైరెక్టర్స్ మాత్రం ఒక ప్రాజెక్ట్ పూర్తవుతుండగానే మరో ప్రాజెక్ట్‌ను లైన్‌లో పెట్టుకుంటున్నారు. స్టార్ డైరెక్టర్ సుకుమార్ (Sukumar) ఇందుకు మంచి ఉదాహరణ. ప్రస్తుతం ఆయన ‘పుష్ప 2’ (Pushpa 2) షూటింగ్‌లో బిజీగా ఉన్నప్పటికీ, విజయ్ దేవరకొండతో (Vijay Devarakonda) మరో సినిమా ఒప్పుకున్నారు.

Directors

ఇక రామ్ చరణ్‌తో (Ram Charan) కూడా ఒక సినిమా ఉండబోతుందని ఆయన అఫీషియల్ గా ప్రకటించారు. అంతేకాదు, ‘పుష్ప 3’ కూడా లైన్‌లో ఉన్నట్లు వార్తలు వినిపిస్తున్నాయి. అంటే సుకుమార్ తన సినిమాల మధ్యలో గ్యాప్ తీసుకునే అవకాశం లేకుండా ప్లాన్ చేసుకుంటున్నారు. ఇక ప్రశాంత్ నీల్ (Prashanth Neel) విషయానికొస్తే, ‘కేజీఎఫ్’ (KGF) సిరీస్‌తో పాన్ ఇండియా స్థాయికి చేరుకున్నారు. ప్రస్తుతం ప్రభాస్‌తో (Prabhas) ‘సలార్’ (Salaar) షూటింగ్ పూర్తి చేస్తుండగా, ఆ వెంటనే ఎన్టీఆర్‌తో (Jr NTR) మరో ప్రాజెక్ట్ ప్రారంభించబోతున్నారు. అదే విధంగా ‘సలార్ 2’ షూటింగ్ కూడా రీసెంట్ గా ప్రారంభమైనట్లు సమాచారం.

వీటితో పాటు ‘కేజీఎఫ్ చాప్టర్ 3’ ప్రాజెక్ట్ కూడా లైన్‌లో ఉంది. ఈ విధంగా, ప్రశాంత్ నీల్ ఒకేసారి ఒకటి కంటే ఎక్కువ సినిమాలకు స్క్రిప్ట్ సిద్ధం చేసుకుంటున్నారు. ఇక ప్రశాంత్ వర్మ (Prasanth Varma) కూడా ‘హనుమాన్’ (Hanu Man) తో పాన్ ఇండియా గుర్తింపు పొందారు. ఆయన తన సినిమాటిక్ యూనివర్స్‌లో ‘జై హనుమాన్’, మోక్షజ్ఞతో (Nandamuri Mokshagna Teja) డెబ్యూ ప్రాజెక్ట్ లాంటి భారీ ప్రాజెక్ట్స్ లైన్‌లో పెట్టుకున్నారు. మిగతా రెండు సినిమాలను తన అసిస్టెంట్స్ ద్వారా చేయిస్తున్నారు.

అంటే ప్రశాంత్ వర్మ కూడా తన ప్రాజెక్ట్స్ మధ్యలో ఎక్కువ గ్యాప్ ఇవ్వకుండా ముందుగా స్క్రిప్ట్ సిద్ధం చేసుకుని నటీనటులను ఫిక్స్ చేసుకుంటున్నారు. అలాగే త్రివిక్రమ్ శ్రీనివాస్ (Trivikram) కూడా అల్లు అర్జున్‌తో (Allu Arjun) ప్రాజెక్ట్ పూర్తి చేసిన వెంటనే ఎన్టీఆర్‌తో మరో సినిమా చేయనున్నట్లు టాక్ వినిపిస్తోంది. ఈ విధంగా, టాలీవుడ్ స్టార్ డైరెక్టర్స్ తమ సినిమాలకు గ్యాప్ ఇవ్వకుండా ఒక ప్రాజెక్ట్ ముగిసే లోపే మరో కొత్త ప్రాజెక్ట్‌ను లైన్‌లో పెట్టడం ద్వారా తమ కెరీర్‌ను నిరంతరం ముందుకు తీసుకెళ్తున్నారు.

‘తండేల్’ బడ్జెట్ అండ్ బిజినెస్ డీటెయిల్స్..!