Allu Arjun: ‘ఐకాన్ స్టార్’ అల్లు అర్జున్ తర్వాత ‘చియాన్’ విక్రమ్ ఏం చేస్తున్నాడంటే..

సౌత్ ఇండస్ట్రీల మధ్య హద్దులు చెరిగిపోతున్నాయి.. సౌత్ సినిమాలు బౌండరీస్ దాటేస్తున్నాయి.. ప్రాంతీయ బేధాలు లేకుండా కంటెంట్ నచ్చితే నెత్తిన పెట్టుకునే మన టాలీవుడ్ ఖ్యాతి అంతర్జాతీయ స్థాయిలో విస్తరిస్తోంది.. బాలీవుడ్, శాండల్ వుడ్, మాలీవుడ్, కోలీవుడ్స్ మాత్రమే కాదు.. ఏకంగా హాలీవుడ్ పరిశ్రమ సైతం తెలుగు సినిమా స్టామినా చూసి ఆశ్చర్యపోతుంది..దీనికి దర్శకధీరుడు రాజమౌళి ‘ఆర్ఆర్ఆర్’ మూవీని, దానికి ప్రపంచవ్యాప్తంగా దక్కుతున్న ఆదరణ, వరిస్తున్న అవార్డులను చిన్న ఉదాహరణగా చెప్పొచ్చు..

హాలీవుడ్ బాక్సాఫీస్ బరిలో ట్రిపులార్ అవార్డుల పరంపర కొనసాగుతోంది.. జపాన్‌లో రిలీజ్ అవడమే కాక.. హయ్యస్ట్ కలెక్షన్స్ సాధించిన ఇండియన్ సినిమాగా రికార్డ్ సెట్ చేసిన సూపర్ స్టార్ రజినీ కాంత్ ‘ముత్తు’ మూవీ రికార్డుని 27 ఏళ్ల తర్వాత బీట్ చేసి సరికొత్త చరిత్ర సృష్టించింది.. ఇక ‘ఐకాన్ స్టార్’ అల్లు అర్జున్, బ్రిలియంట్ డైరెక్టర్ సుకుమార్ కలిసి చేసిన ‘పుష్ప – ది రూల్’ పాన్ ఇండియా స్థాయిలో ప్రకంపనలు రేపింది.. 2021లో హయ్యస్ట్ కలెక్షన్లు సాధించిన సినిమాగా రికార్డ్ నెలకొల్పింది..

ఇటీవల రష్యాలోనూ డబ్ చేసి రిలీజ్ చేయగా సాలిడ్ రెస్పాన్స్ వచ్చింది.. జపాన్‌లో ట్రిపులార్ టీంలానే ‘పుష్ప’ టీం కూడా రష్యా వెళ్లి సందడి చేశారు.. తెలుగు సినిమాకి విదేశాల్లో ఇంతటి ఆదరణ దక్కడం అనేది నిజంగా ఆశ్చర్యమే.. ఇప్పుడు మరో సినిమా రష్యన్ రిలీజ్‌కి రెడీ అవుతోంది..‘చియాన్’ విక్రమ్ ద్విపాత్రాభినయం చేసిన సైకలాజికల్ యాక్షన్ థ్రిల్లర్ ‘కోబ్రా’.. ఆర్.అజయ్ జ్ఞానముత్తు డైరెక్ట్ చేసిన ఈ సినిమా ఇటీవల తెలుగు, తమిళ్‌లో రిలీజ్ అయ్యి పాజిటివ్ టాక్ తెచ్చకుంది..

ఒకరకంగా ఆడియన్స్‌కి అర్థంకాక కన్ఫ్యూజ్ అయ్యారు కానీ మూవీ బాగుంటుంది.. ఓటీటీలోనూ మంచి రెస్పాన్స్ వచ్చింది.. ఇప్పుడీ చిత్రాన్ని రష్యన్ భాషలోకి అనువదించి.. 2023 జనవరి 19న అక్కడ భారీ ఎత్తున విడుదల చేయడానికి సన్నాహాలు చేస్తున్నారు. రష్యన్ ప్రేక్షకులకు ‘కోబ్రా’ కచ్చితంగా నచ్చుతుందనే ధీమాతో ఉన్నారు మేకర్స్..

. @chiyaan #Vikram ‘s #Cobra Russian dubbed version to release in Russia on Jan 19th 2023.. pic.twitter.com/gQx854bFyL

— Ramesh Bala (@rameshlaus) December 13, 2022

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!