అక్కినేని అఖిల్ (Akhil Akkineni) వివాహం నిన్న అంటే జూన్ 6న శుక్రవారం నాడు ఘనంగా జరిగింది. తన ప్రేయసి జైనబ్ రవ్జీని అఖిల్ పెళ్ళాడి ఓ ఇంటి వాడు అయ్యాడు. జూబ్లీహిల్స్లో ఉన్న నాగార్జున (Nagarjuna) ఇంట్లో వీరి వివాహం కొద్దిపాటి బంధుమిత్రుల సమక్షంలో ఘనంగా జరిగింది. మెగాస్టార్ చిరంజీవి (Chiranjeevi) – సురేఖ దంపతులు, రామ్ చరణ్ (Ram Charan) – ఉపాసన, దర్శకుడు ప్రశాంత్ నీల్ (Prashanth Neel) , క్రికెటర్ తిలక్ వర్మ వంటి స్టార్స్ వీరి పెళ్ళికి హాజరయ్యారు.
అందుకు సంబంధించిన ఫోటోలు వైరల్ అయ్యాయి. జూన్ 8న అన్నపూర్ణ స్టూడియోస్లో అఖిల్ – జైనబ్..ల రిసెప్షన్ కూడా ఘనంగా నిర్వహించే అవకాశాలు కనిపిస్తున్నాయి. నిన్న సోషల్ మీడియా అంతా అఖిల్ – జైనబ్ రవ్జీ పెళ్ళికి సంబంధించిన చర్చలే ఎక్కువ నడిచాయి. జైనబ్ రవ్జీ గొప్ప ఆర్టిస్ట్(పెయింటర్) అనే సంగతి అందరికీ తెలిసిందే. చిత్రలేఖనంలో ప్రావీణ్యం పొందిన ఆమె ఇంటర్నేషనల్ వైడ్ ఎగ్జిబీషన్లు వంటివి కూడా నిర్వహించడం జరిగింది.
అలాగే జైనబ్ రవ్ డ్జీ తండ్రి జుల్ఫీ రవ్ డ్జీ ఒక పెద్ద బిజినెస్మెన్. ఆంధ్రప్రదేశ్ మాజీ ముఖ్యమంత్రి వై.ఎస్.జగన్మోహన్ రెడ్డికి ఇతను బెస్ట్ ఫ్రెండ్ అలాగే సలహాదారుడు, విదేశాల్లో అతనికి ఉన్న బిజినెస్లు వంటివి జుల్ఫీ లీడ్ చేస్తారనే టాక్ కూడా ఉంది. ఇదిలా ఉండగా.. అఖిల్ భార్య జైనబ్ రవ్జీ గురించి మరిన్ని షాకింగ్ డిస్కషన్లు నడుస్తున్నాయి. అందులో ఆమె ఏజ్ గురించి ఒకటి అని చెప్పాలి. జైనబ్ పుట్టిన సంవత్సరం 1985 అని సమాచారం.
అఖిల్ 1994. అంటే జైనబ్ అఖిల్ కంటే 8 ఏళ్ళు వయసులో పెద్ద అనమాట. మరోపక్క ఇది వరకే జైనబ్ ఓ వ్యక్తితో సహజీవనం చేసినట్టు.. ఓ బాబుకి జన్మనిచ్చినట్లు కూడా కథనాలు వినిపిస్తున్నాయి. అందులో నిజం లేదు అనే వారు కూడా ఉన్నారు. కానీ ప్రస్తుతానికి జైనబ్- అఖిల్..ల మధ్య ఉన్న ఏజ్ గ్యాప్ గురించి ఎక్కువ చర్చ నడుస్తోంది.
