అబ్బురపర్చనున్న నా పేరు సూర్య ప్రీ రిలీజ్ వేడుక.!

రచయిత వక్కంతం వంశీ తొలిసారి మెగాఫోన్ పట్టి.. దర్శకత్వం వహించిన చిత్రం “నా పేరు సూర్య“. ఈ సినిమాలో స్టైలిష్ స్టార్ అల్లు అర్జున్ యాంగ్రీ సోల్జర్ గా కనిపించబోతున్నారు. ఈరోజు విడుదలయిన ట్రైలర్ చూస్తుంటే యాక్షన్ సీన్స్ అదిరిపోతాయని అర్ధమవుతోంది. అను ఇమ్యానుయేల్ హీరోయిన్ గా నటించిన ఈ మూవీ ప్రీ రిలీజ్ వేడుకను రేపు గచ్చిబౌలి స్టేడియంలో ఘనంగా నిర్వహించనున్నారు. ఈ వేడుకలో అనేక సర్పరైజ్ లు ఉండబోతోంది. మెగా పవర్ స్టార్ రామ్ చరణ్ తేజ్ ముఖ్యఅతిథిగా పాల్గొనబోతున్న ఈ కార్యక్రమంలో బన్నీ ఎంట్రీ అబ్బురపరుస్తుందని సమాచారం.

కేవలం ఇందుకోసం నిర్మాతలు 20 లక్షలు ఖర్చుపెట్టబోతున్నారు. అల్లు అర్జున్ వేదికపై జిమ్నాస్టిక్స్ చేయనున్నారు. అతని ప్రదర్శన అందరినీ ఆశ్చర్యపరుస్తుందని చెప్పుకుంటున్నారు. సంగీత ద్వయం విశాల్-శేఖర్ లు స్వరపరిచిన పాటలు మెల్లగా సంగీతప్రియుల మనసు దోచుకుంటున్నాయి. కె.నాగబాబు సమర్పణలో రామలక్ష్మి సినీ క్రియేషన్స్ బ్యానర్‌లో శిరీష శ్రీధర్, బన్నీ వాసులు కలిసి నిర్మిస్తున్న ఈ మూవీ వచ్చే నెల 4 న థియేటర్లోకి రానుంది. దువ్వాడ జగన్నాథం తర్వాత అల్లు అర్జున్ చేస్తున్న ఈ మూవీ ఎన్ని రికార్డులను బద్దలు కొడుతుందో చూడాలి.