Samantha: సామ్ కోసం ఇంట్రెస్టింగ్ టైటిల్!

టాలీవుడ్ స్టార్ హీరోయిన్ సమంత విడాకుల తరువాత జోరు పెంచింది. వరుస సినిమాలు, వెబ్ సిరీస్ లు ఒప్పుకుంటూ బిజీ ఆర్టిస్ట్ గా మారింది. గుణశేఖర్ దర్శకత్వంలో ‘శాకుంతలం’ సినిమాను పూర్తి చేసిన ఆమె తాజాగా కొత్త సినిమా షూటింగ్ మొదలుపెట్టింది. శ్రీదేవి మూవీస్ బ్యానర్ పై సమంత ఓ సినిమా ఒప్పుకున్న సంగతి తెలిసిందే. దీన్ని శివలెంక కృష్ణప్రసాద్ నిర్మిస్తున్నారు. ఈరోజే ఈ సినిమా సెట్స్ లోకి అడుగుపెట్టింది సమంత.

ఇద్దరు కొత్త దర్శకుల కాంబినేషన్ లో ఈ సినిమా సిద్ధంకానుంది. థ్రిల్లర్ నేపథ్యంలో సాగే ఈ సినిమాకి ‘యశోద’ అనే టైటిల్ ఫిక్స్ చేసినట్లు తెలుస్తోంది. హరీ, హరీష్ అనే ఈ ఇద్దరు దర్శకులు తయారు చేసిన ఈ సినిమా కథ విన్న సమంత బాగా ఇంప్రెస్ అయింది. తెలుగులోనే కాకుండా.. తమిళ, మలయాళ కన్నడ భాషల్లో ఈ సినిమాను విడుదల చేయనున్నారు. దీనికి మణిశర్మ సంగీతం అందించనున్నారు.

వచ్చే ఏడాది మార్చికి సినిమాని పూర్తి చేసే విధంగా ప్లాన్ చేసుకుంటున్నారు. ఈ సినిమాతో పాటు సమంత తమిళ దర్శకుడితో మరో సినిమా ఒప్పుకుంది. అలానే ఓ ఇంటర్నేషనల్ ప్రాజెక్ట్, కొన్ని వెబ్ ప్రాజెక్ట్ లు ఒప్పుకున్నట్లు తెలుస్తోంది.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!

Share.