Boyapati Srinu, Surya: మరో క్రేజీ కాంబో సెట్ చేసిన దిల్ రాజు!

తమిళ స్టార్ హీరో విజయ్ త్వరలోనే తెలుగులో ఎంట్రీ ఇవ్వబోతున్నారు. వంశీ పైడిపల్లి దర్శకత్వంలో తెరకెక్కుతోన్న ఈ సినిమాను దిల్ రాజు నిర్మించబోతున్నారు. నిజానికి చాలా మంది కోలీవుడ్ స్టార్స్ తెలుగు స్ట్రెయిట్ సినిమాలు చేయాలనుకున్నారు. కానీ కుదరలేదు. ఈ లిస్ట్ లో సూర్య పేరు ముందుంటుంది. సూర్యకి తెలుగు స్టేట్స్ లో మంచి ఫాలోయింగ్ ఉంది. ఆయన డబ్బింగ్ సినిమాలను తెలుగు ప్రేక్షకులు ఆదరిస్తుంటారు. అందుకే తెలుగులో చాలాకాలంగా ఓ సినిమా చేయాలనుకుంటున్నారు సూర్య.

కానీ సరైన కథ దొరకకపోవడంతో సూర్య ప్రయత్నాలు వర్కవుట్ కాలేదు. అయితే ఇప్పుడు దర్శకుడు బోయపాటి.. సూర్య కోసం ఓ కథ సిద్ధం చేశాడని సమాచారం. ప్రస్తుతం బాలకృష్ణతో ‘అఖండ’ సినిమాను రూపొందిస్తోన్న బోయపాటి.. లాక్ డౌన్ సమయంలో రెండు కథలు రాసుకున్నాడట. అందులో ఒకటి బన్నీ కోసం పక్కన పెట్టగా.. మరో కథ సూర్య కోసం రాసుకున్నట్లు తెలుస్తోంది. ఈ సినిమాకి దిల్ రాజు నిర్మాతగా వ్యవహరిస్తున్నట్లు సమాచారం.

ఇప్పటికే విజయ్ ని తెలుగులో లాంచ్ చేయడానికి సిద్ధమైన దిల్ రాజు ఇప్పుడు సూర్య సినిమాను కూడా నిర్మిస్తుండడం విశేషం. ‘అఖండ’ తర్వాత బన్నీతో సినిమా చేయాలనుకుంటున్నారు దిల్ రాజు. ఆ ప్రాజెక్ట్ ఏమైనా లేట్ అయితే సూర్య సినిమాను పట్టాలెక్కిస్తారట.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!