Lucifer Telugu Remake: చిరు లూసిఫర్ రీమేక్ టైటిల్ ఇదే?

July 29, 2021 / 01:15 PM ISTByFilmy Focus

Join Us

Lucifer Telugu Remake: చిరు లూసిఫర్ రీమేక్ టైటిల్ ఇదే?

స్టార్ హీరో చిరంజీవి మోహన్ రాజా డైరెక్షన్ లో లూసిఫర్ రీమేక్ లో నటించనున్న సంగతి తెలిసిందే. ఆగష్టు నెల 13వ తేదీ నుంచి ఈ సినిమా షూటింగ్ మొదలు కానుండగా కేవలం 4 నెలల్లో షూటింగ్ ను పూర్తి చేయాలని చిరంజీవితో పాటు ఈ సినిమా మేకర్స్ భావిస్తున్నారు. ఈ సినిమాకు టైటిల్ కూడా ఫిక్స్ అయిందని తెలుస్తోంది. కొన్ని నెలల క్రితం బోయపాటి శ్రీను డైరెక్షన్ లో బాలయ్య హీరోగా తెరకెక్కుతున్న సినిమాకు గాడ్ ఫాదర్ అనే టైటిల్ ప్రచారంలోకి వచ్చిన సంగతి తెలిసిందే.

అయితే బోయపాటి శ్రీను ఆ టైటిల్ ను ఫిక్స్ చేయకుండా అఖండ అనే టైటిల్ ను ఫిక్స్ చేశారు. మోహన్ రాజా చిరంజీవి కాంబినేషన్ సినిమాకు గాడ్ ఫాదర్ టైటిల్ ఫిక్స్ అయినట్టు తెలుస్తోంది. రామ్ చరణ్ కు లూసిఫర్ నచ్చడంతో ఇష్టపడి ఈ సినిమా హక్కులను కొనుగోలు చేసి లూసిఫర్ రీమేక్ ను మరో నిర్మాతతో కలిసి నిర్మిస్తున్నారు. మొదట ఈ సినిమాకు రారాజు, కింగ్ మేకర్ టైటిల్స్ వినిపించగా కథ ప్రకారం గాఢ్ ఫాదర్ టైటిల్ సినిమాకు బాగుంటుందని సమాచారం.

Balakrishna With Chiranjeevi

తెలుగు నేటివిటీకి తగిన విధంగా కేవలం లైన్ ను తీసుకొని ఈ సినిమా స్క్రిప్ట్ లో చాలానే మార్పులు చేశారని తెలుస్తోంది. స్టార్ మ్యూజిక్ డైరెక్టర్ థమన్ ఈ సినిమాకు సంగీతం అందిస్తున్నారు. ఈ సినిమాకు సంబంధించిన ఇతర నటీనటులు, సాంకేతిక నిపుణుల వివరాలు తెలియాల్సి ఉంది. ఈ సినిమాలో నయనతార పేరు జోరుగా వినిపించగా ఆమె ఈ సినిమాలో నటిస్తారో లేదో తెలియాల్సి ఉంది.