Hanu Man: ప్రీరిలీజ్‌ ఈవెంట్‌ ట్వీట్‌… ఆ క్యారెక్టర్‌పై క్లారిటీ ఇచ్చేశారా!

‘హను – మాన్‌’ సినిమా మరో ఐదు రోజుల్లో విడుదలవుతోంది. చిన్న సినిమాగా మొదలైన ఈ ప్రాజెక్ట్‌ ఇప్పుడు భారీ సినిమాగా మారింది. సినిమా నాణ్యత, కాన్సెప్ట్‌, ప్రచార శైలి, ప్రమోషనల్‌ కంటెంట్‌… ఇవి మాత్రమే కాదు ఈ సినిమాలో భాగమవుతున్న, భాగమైన స్టార్‌ నటులు కూడా ఓ కారణం. అంత పెద్ద నటులు ఎవరున్నారు అనేగా మీ డౌట్. మొన్నీమధ్య మాస్‌ మహరాజ్‌ రవితేజ గళమివ్వగా… ఇప్పుడు ఇంకో హీరో సంగతి తేలిపోయింది.

‘హను – మాన్‌’ సినిమాలో కీలక పాత్రలో మెగాస్టార్‌ చిరంజీవి నటించారని గత కొన్ని రోజులుగా వార్తలు వస్తున్నాయి. ఆ సినిమాలో హనుమంతుడి పాత్రలో మెగాస్టారే కనిపిస్తాడని అంటున్నారు. ఈ విషయంలో దర్శకుడు ప్రశాంత్‌ వర్మను అడిగినా ఎక్కడా క్లారిటీ ఇవ్వలేదు. అయితే ఏదో స్పెషల్ మాత్రమే ఉంది అన్నారు. కానీ చిరంజీవి ఉన్నారా లేదా అనే విషయంలో మాత్రం క్లారిటీ రాలేదు. అయితే ఈ విషయంలో హీరో తేజ సజ్జా దాదాపు క్లారిటీ ఇచ్చేశాడు.

‘ఇను – మాన్‌’ సినిమా ప్రీ రిలీజ్‌ ఈవెంట్‌ను ఆదివారం సాయంత్రం హైదరాబాద్‌లో నిర్వహిస్తున్నారు. ఈ కార్యక్రమానికి మెగాస్టార్‌ చిరంజీవి ముఖ్య అతిథిగా రానున్నారు. ఈ విషయంలో ఇప్పటికే సమాచారం ఇచ్చినా ఇప్పుడు అధికారికంగా పోస్టర్‌ లాంచ్‌ చేశారు. దానిని హీరో తేజ సజ్జా షేర్‌ చేస్తూ ‘హను – మాన్‌’ కోసం వస్తున్న మా ‘హనుమాన్‌’కి థ్యాంక్యూ అని రాసుకొచ్చారు. దాని బట్టి ఈ సినిమా గురించి వచ్చిన ‘హనుమంతుడు’ పుకారు నిజమే అంటున్నారు.

‘హను – మాన్‌’ టీజర్‌లో ఆంజనేయుడి కళ్లు చూశాక అవి చిరంజీవివే అన్నారు. మొన్నీమధ్య ట్రైలర్‌ వచ్చినప్పుడు పుకారు మీద కాస్త గట్టిగా పుకార్లు వచ్చాయి. ఇప్పుడు దాదాపు క్లారిటీ అంటున్నారు. పూర్తి క్లారిటీ రావాలంటే ఆదివారం ఈవెంట్‌ చూడాల్సిందే. అందులో అఫీషియల్‌గా సినిమా టీమ్‌ ఈ విషయాన్ని చెబుతుంది అంటున్నారు. ఒకవేళ చిరు నటిస్తే ఆ విశ్వరూపం చూడటానికి జనవరి 12 వరకు ఆగాల్సిందే. ఆ రోజు ‘హను – మాన్‌’ ఆగమనం.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!