Deepavali Review in Telugu: దీపావళి సినిమా రివ్యూ & రేటింగ్!

ఈ క్రమంలో సొంతంగా మటన్ కొట్టు పెట్టుకుని ఎదగాలని ప్రయత్నాలు మొదలు పెడతలడు. మరోపక్క అతని కొడుకు మేనత్త కూతురితో లేచిపోవాలి అని ప్రయత్నం చేస్తాడు. మరోపక్క నలుగురు దొంగలు శీనయ్య మేకని దొంగిలించాలి అనుకొంటారు. ఫైనల్ గా వీళ్ల కలయిక ఎలా జరిగింది. వీరి సమస్యలు ఎలా తీరాయి అనేది మిగిలిన కథ.

నటీనటుల పనితీరు: ఈ సినిమాలో తెలుగు ప్రేక్షకులకి పరిచయం ఉన్న ఒక్క నటుడు కూడా కనిపించడు. అయినా ప్రతి ఒక్కరూ పాత్రలో ఒదిగిపోయారు అని చెప్పాలి. ప్రతి ఒక్క పాత్రతో అందరూ బాగా కనెక్ట్ అవుతారు. తాతగా పూ రామ్, మనవడిగా దీపన్, వీరస్వామిగా కాళీ వెంకట్ .. లు హైలెట్ అని చెప్పాలి.మిగిలిన నటీనటులు కూడా తమ తమ పాత్రలకు న్యాయం చేశారు. ఇందులో ఫీమేల్ ఆర్టిస్టులకి స్పేస్ తక్కువ. అయినప్పటికీ వారి పాత్రలతోనే ఒక చక్కని ముగింపు ఇచ్చారు.

సాంకేతిక నిపుణుల పనితీరు: ఈ సినిమాని కథగా చెప్పుకోడానికి పెద్దగా ఏమీ ఉండదు. కానీ ఒక పండుగ అనేది పేద కుటుంబాలకు ఎంత భారంగా ఉంటుంది. పండుగ టైమ్ కి డబ్బులు సమకూర్చుకోవడానికి వారు ఎంత కష్ట పెడతారు అనేది ఈ సినిమా లైన్. దీనిని దీపావళి పండుగ నేపథ్యంలో చెప్పాలని దర్శకుడు అనుకున్నాడు. ఎక్కువమంది జనాలు దీపావళి పండుగ టైమ్ లో టపాసులు కొనుక్కోవడానికి ఇబ్బంది పడతారు.

కాబట్టి పాయింట్ మంచిదే. కానీ సినిమా లిబర్టీస్ తీసుకోకుండా తీస్తే అది డాక్యుమెంటరీ అవుతుంది. ఈ విషయంలోనే దర్శకుడు తడబడినట్టు అనిపిస్తుంది. ముఖ్యంగా ఫస్ట్ హాఫ్ విషయంలో ఎక్కువగా అనిపిస్తుంది. అయితే సెకండ్ హాఫ్ బాగానే ఉంది. క్లైమాక్స్ లో కొన్ని లాజిక్స్ మిస్ అయినా.. ఎండింగ్ బాగుంది. సినిమాటోగ్రఫీ, బ్యాక్ గ్రౌండ్ స్కోర్ ఓకే. నిర్మాణ విలువలు కూడా ఓకే అని చెప్పాలి.

విశ్లేషణ: ఓవరాల్ గా ఈ ‘దీపావళి’ (Deepavali)  మంచి ఫీల్ గుడ్ మూవీ అని చెప్పాలి. ఒకసారి తప్పకుండా ట్రై చేయొచ్చు. మరి పోటీలో ఈ సినిమా బాక్సాఫీస్ వద్ద నిలబడుతుందా? అంటే కచ్చితంగా అవునని మాత్రం చెప్పలేం.

రేటింగ్: 2.5/5