సినిమా చేస్తానని దర్శకరత్న దాసరి నారాయణ రావుకి పవర్ స్టార్ పవన్ కళ్యాణ్ గతంలో మాట ఇచ్చారు. నిర్మించడానికి దాసరి సిద్ధంగా ఉన్నప్పటికీ సరైన డైరక్టర్ దొరకక ఇన్నాళ్లు ఈ ప్రాజక్ట్ ఓ కొలిక్కి రాలేదు. ఈ సినిమాకు దర్శకుడు దొరికాడని సమాచారం. తమిళంలో వీరమ్, వేదాళం, తెలుగులో శౌర్యం, దరువు చిత్రాలను తీసిన తమిళ డైరక్టర్ శివ రీసెంట్ గా పవన్ కి ఓ పవర్ ఫుల్ కథను చెప్పారు. ఈ స్టోరీ పవర్ స్టార్ తో పాటు దాసరి కి కూడా నచ్చడంతో, ఆయన నిర్మించడానికి సై అన్నట్లు తెలిసింది. ప్రస్తుతం డాలీ దర్శకత్వంలో కాటమరాయుడు షూటింగ్ లో బిజీగా ఉన్న పవర్ స్టార్, దీని తర్వాత మాటల మాంత్రికుడు త్రివిక్రమ్ శ్రీనివాస్ మూవీని పట్టాలెక్కించాలని చూస్తున్నారు.
ఆ చిత్రం పోస్ట్ ప్రొడక్షన్ వర్క్ కొనసాగుతుండగానే తమిళ దర్శకుడు ఆర్ టీ నేసన్ దర్శకత్వంలో సినిమాను ప్రారంభించనున్నారు. వీటికి రెగ్యులర్ షూటింగ్ డేట్స్ కూడా పవన్ కేటాయించేశారు. ఈ మూడు చిత్రాలు కంప్లీట్ అయిన తర్వాత దాసరి నిర్మాణంలో, శివ దర్శకత్వంలో పవన్ సినిమా పట్టాలెక్కనుంది. ఈ వరుస క్రమంలో మార్పులు జరిగినా ఆశ్చర్య పోనవసరం లేదు. పవన్ సినీ కెరీర్ లో ఒకే సమయంలో నాలుగు చిత్రాలు ఒకే కావడం ఇదే తొలిసారి. వచ్చే ఎన్నికల్లో పవన్ పోటీ చేయనుండడమే దీనికి కారణంగా తెలుస్తోంది.
Also, do SUBSCRIBE to our YouTube channel to get latest Tollywood updates.
