మళ్ళీ ఇన్నాళ్లకు చింతకాయల రవి డైరెక్టర్.. ఊహించని ప్రాజెక్ట్!

తెలుగు ప్రేక్షకులకు ‘చింతకాయల రవి’ (Chintakayala Ravi) వంటి రొమాంటిక్ కామెడీ చిత్రంతో మంచి ఎంటర్‌టైనర్‌గా గుర్తింపు పొందిన దర్శకుడు యోగి (Yogi Babu), చాలా కాలం గ్యాప్ తర్వాత మళ్లీ దర్శకుడిగా రీ ఎంట్రీ ఇస్తున్నారు. కానీ ఈసారి ఆయన ట్రాక్ మార్చి, పూర్తిగా కంటెంట్ ఆధారితమైన లేడీ ఓరియెంటెడ్ కథను తెరపైకి తీసుకురాబోతున్నారు. ఈ చిత్రంలో టాలెంటెడ్ నటి సంయుక్త ప్రధాన పాత్రలో నటించనుండటం మరో విశేషం. సంయుక్త మీనన్ (Samyuktha Menon)ఇప్పటికే ‘సార్’(Sir), విరూపాక్ష (Virupaksha) వంటి చిత్రాలతో కెరీర్ పరంగా ఎంత పర్ఫార్మెన్స్ ఓరియెంటెడ్ పాత్రలు చేయగలదో నిరూపించుకుంది.

Yogi Babu

ఇప్పుడు యోగి (Yogi Babu) దర్శకత్వంలో ఆమె నటిస్తున్న లేటెస్ట్ ప్రాజెక్ట్‌కు ‘భైరవీ’ లేదా ‘రాక్షసి’ అనే టైటిల్స్ పరిశీలనలో ఉన్నట్లు సమాచారం. వీటిలో ఏదైనా ఒక్కటి ఎంపికైతే, కథ బలం కూడా అంతే ఇంటెన్స్‌గా ఉంటుందని అంచనా వేయొచ్చు. ఈ చిత్రాన్ని రాజేష్ దండ (Rajesh Danda) నిర్మిస్తున్నారు. విభిన్నమైన కథలపై ఆయనకు ఉన్న ఇష్టమే ఈ సినిమాకు నాంది పలికింది. ప్రస్తుతం ప్రీ ప్రొడక్షన్ కార్యక్రమాలు పూర్తి చేసుకున్న ఈ చిత్రం త్వరలోనే సెట్స్‌పైకి వెళ్లనుంది.

సమాజంలో మహిళల జీవితాల్లో ఎదురయ్యే సమస్యల నేపథ్యంలో సాగే ఈ కథలో సమ్యుక్త పాత్ర చాలా పవర్ఫుల్‌గా ఉండబోతోందట. ఓ పాయింట్‌కు వెళ్లే ప్రయాణంలో ఆమె పాత్రలో ఎమోషన్, రియలిజం రెండూ కనిపించనున్నాయని సమాచారం. దర్శకుడు యోగికి (Yogi Babu) హ్యూమర్‌తో కూడిన ఫీల్‌గుడ్ ఎంటర్‌టైనర్స్‌లో మంచి పేరు ఉంది. కానీ ఈసారి పూర్తిగా ఒక గంభీరమైన కథను ఎంచుకోవడం చర్చనీయాంశంగా మారింది.

బలమైన స్క్రీన్‌ప్లే, కథను నడిపించే నాయికా పాత్ర, అలాగే ప్రేక్షకుల మనసులను తాకే సంభాషణలు.. ఈ సినిమాకు పెద్ద బలంగా నిలవనున్నాయట. ఇండస్ట్రీలో ఇప్పటికే సినిమాపై పాజిటివ్ బజ్ మొదలైంది. హైదరాబాద్ పరిసరాల్లో షూటింగ్ జరపనున్న ఈ చిత్రంలో సమ్యుక్తకు జోడీగా ఒక కొత్త హీరోను ఎంపిక చేస్తున్నట్టు టాక్. అయితే కథ మాత్రం ఆమె పాత్ర చుట్టూనే తిరుగుతుంది. ఫస్ట్ లూం, టైటిల్ అనౌన్స్‌మెంట్ వచ్చే నెలలో విడుదలయ్యే అవకాశముంది.

2027 వరకు ఈ హీరోల డేట్స్ దొరకవా?