Venky Atluri: వెంకీ కొత్త సినిమా ఆ హీరోతోనేనా? తెలుగు హీరోలు నో అంటున్నారా?

వెంకీ అట్లూరి… ఈయన సినిమాలకు డిఫరెంట్‌ ఫ్యాన్‌ బేస్‌ ఉంది. ప్రేమకథలే తీసినా, అందులో ఏదో కొత్త పాయింట్‌ పట్టుకని అర్థం చేసి మరీ వావ్‌ అనిపిస్తుంటారు. అయితే తొలి సినిమా ఇచ్చిన విజయం ఆ తర్వాత రెండు సినిమాలతో రాలేదు. దీంతో నాలుగో సినిమాగా తమిళ స్టార్‌ హీరో ప్రాజెక్టును పట్టుకున్నారు. ఆ సినిమాలేంటి, వాటి ఫలితాలేంటో ఏంటో తర్వాత చూద్దాం. ఇప్పుడు ఐదో సినిమా కూడా తమిళ హీరోతోనే అంటున్నారు.

కోలీవుడ్‌ వర్గాల సమాచారం ప్రకారం అయితే… వెంకీ అట్లూరి ఇటీవల విక్రమ్‌కు ఓ కథ పాయింట్‌ చెప్పారట. ఆయనకు నచ్చడంతో కథను పూర్తి స్థాయిలో సిద్ధం చేయమని అడిగారట. అది కూడా ఓకే అయితే నెక్స్ట్‌ సినిమా స్టార్ట్ అని చెబుతున్నారు. నిజానికి ‘సార్‌’ / ‘వాతి’ సినిమా తర్వాత వెంకీ అట్లూరి కొత్త సినిమా స్టార్ట్ అవ్వలేదు. ఆ మధ్య దుల్కర్‌ సల్మాన్‌తో ప్రాజెక్ట్‌ చేస్తున్నారని వార్తలొచ్చాయి. కానీ ఆ ప్రాజెక్ట్ పట్టాలెక్కలేదు. దీంతో వెంకీ కొత్త హీరోను ఓకే చేసే పనిలో ఉన్నారట.

నిజానికి వెంకీ అట్లూరి తొలుత తెలుగు హీరోలతోనే సినిమాలు చేశారు. తొలి సినిమా ‘తొలి ప్రేమ’ వరుణ్‌తేజ్‌తో చేయగా, ఆ తర్వాత అఖిల్‌తో ‘మజ్ను’ చేశారు. ఆ సినిమా సరిగ్గా ఆడకపోయినా నితిన్‌తో ‘రంగ్‌దే’లో చేశారు. ఇదీ తేడా కొట్టింది. అప్పుడే ‘సార్‌’ / ‘వాతి’ అంటూ డ్యూయల్‌ లాంగ్వేజ్‌ ఫిలిం చేశారు. ఆ సినిమా అతని రెగ్యులర్‌ లవ్‌ కాన్సెప్ట్‌కు దూరంగా సమాజం గురించి చేశారు. ఇప్పుడు విక్రమ్‌కు చెప్పిన కథ కూడా అలాంటిదే అంటున్నారు.

ఇక విక్రమ్ నేరుగా తెలుగు సినిమాలు చేయకపోయినా, తెలుగు స్టార్ హీరోలకి ఉన్నంత క్రేజ్ విక్రమ్‌కి కూడా ఉంది. ఈ నేపథ్యంలో ఈ సినిమా కూడా మల్టీ లాంగ్వేజ్‌ సినిమాగానే ఈ ప్రాజెక్ట్‌ను తీసుకొస్తారట. అయితే మరి ఈ ప్రాజెక్ట్‌ ఎంతవరకు ఫైనల్‌ అవుతుంది అనేది చూడాలి.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!