RRR: ”నా సొంత ఆస్కార్‌ని ‘ఆర్ఆర్ఆర్’కి ఇచ్చేస్తా”

‘ఆర్ఆర్ఆర్’ సినిమా గురించి ఎంత చెప్పుకున్నా తక్కువే. రాజమౌళి దర్శకత్వంలో తెరకెక్కిన ఈ సినిమాలో రామ్ చరణ్, ఎన్టీఆర్ ప్రధాన పాత్రలు పోషించారు. పీరియాడికల్ డ్రామాగా రూపొందించిన ఈ సినిమా ప్రపంచవ్యాప్తంగా రూ.1200 కోట్లు వసూళ్లు సాధించింది. ఓటీటీలో ఈ సినిమా విడుదలైన తరువాత ప్రపంచవ్యాప్తంగా ఎంతోమంది ప్రముఖులు ఈ సినిమాపై ప్రశంసలు కురిపించారు. అంతేకాకుండా.. ఈ సినిమాకి గోల్డెన్ గ్లోబ్ అవార్డు దక్కింది. ఈ అవార్డుని అందుకోవడం కోసం ఈ సినిమా టీమ్ అమెరికాలో ఉంది.

ఈ సినిమా ప్రస్తుతం ఆస్కార్ కి పోటీ పడుతోంది. ఈ క్రమంలో హాలీవుడ్ దర్శకుడు జాసన్ బ్లమ్ ఈ సినిమా గురించి ఆసక్తికర వ్యాఖ్యలు చేశారు. హాలీవుడ్ లో హారర్ సినిమాలతో పాపులర్ అయిన జాసన్.. ‘ది పర్జ్’ సినిమాతో మంచి గుర్తింపు సంపాదించుకున్నారు. రీసెంట్ ‘గా ఎమ్3గన్’ అనే మరో హారర్ సినిమాతో ప్రేక్షకుల ముందుకు వచ్చారు ఈ దర్శకుడు. అది కూడా మంచి సక్సెస్ అయింది. ఇదిలా ఉండగా..

ఈ దర్శకుడు ‘ఆర్ఆర్ఆర్’ సినిమాను కొనియాడుతూ సోషల్ మీడియాలో ఓ పోస్ట్ పెట్టారు. ఈసారి ఆస్కార్ అవార్డు ‘ఆర్ఆర్ఆర్’ సినిమాకి వస్తుందని.. ఈ విషయం రాసి పెట్టుకోండి అని అన్నారు. తనైతే తనకొచ్చిన ఆస్కార్ ని ‘ఆర్ఆర్ఆర్’ సినిమాకి ఇచ్చేస్తానని అన్నారు. జాసన్ చేసిన ఈ ట్వీట్ ప్రస్తుతం వైరల్ అవుతోంది. ‘ఆర్ఆర్ఆర్’ ఫ్యాన్స్..

ఈ సినిమాకి ఆస్కార్ రావాలని కోరుకుంటున్నారు. ప్రస్తుతం రాజమౌళి, ఎన్టీఆర్, రామ్ చరణ్ ముగ్గురూ కూడా అమెరికాలోనే ఉన్నారు. వీరంతా ‘ఆర్ఆర్ఆర్’ సినిమాను బాగా ప్రమోట్ చేస్తూ.. ఆస్కార్ అందుకోవడానికి ప్రయత్నాలు చేస్తున్నారు. మరేం జరుగుతుందో చూడాలి!

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!