కట్టప్పను బాహుబలి ఎందుకు చంపాడో తెలుసన్న మిల్కీ బ్యూటీ

బాహుబలి బిగినింగ్ ని చూసిన ప్రతి ఒక్కరి మైండ్ లో మొలిచిన ప్రశ్న “బాహుబలిని కట్టప్ప ఎందుకు చంపాడు?” .. ఆ ప్రశ్నకు సమాధానం కోసం ఆ చిత్ర డైరక్టర్ రాజమౌళి ని ఎన్ని సార్లు అడిగినా నోరు విప్పలేదు. సినిమాకు పనిచేసిన ఇతర నటులను, టెక్నీషియన్లు కదిలించినా సీక్రెట్ బయటికి రావడం లేదు. అయితే ఈ రహస్యాన్ని చిత్రంలో అవంతికగా నటించిన తమన్నాకు కూడా దర్శకధీరుడు చెప్పలేదంట. అతి తక్కువ మందికి మాత్రమే ఆ విషయం తెలుసంట.

ఈ సంగతిని మిల్కీ బ్యూటీ శనివారం ముంబై లో జరిగిన బాహుబలి 2 ఫస్ట్ రిలీజ్ కార్యక్రమంలో వెల్లడించింది. “బాహుబలి సినిమా షూటింగ్ సమయంలో రాజమౌళి కట్టప్ప బాహుబలిని ఎందుకు చంపాడో చెప్పలేదు. చిత్రం పూర్తి అయిన తర్వాత మాటల సందర్భంలో ప్రభాస్ ఆ విషయాన్నీ నాకు చెప్పారు. అప్పుడు దాని గురించి పెద్దగా ఆలోచించలేదు. కానీ బాహుబలి విడుదలయ్యాక థియేటర్లో సినిమా చూసి వస్తుంటే అందరూ కట్టప్ప బాహుబలిని ఎందుకు చంపాడనే చర్చించుకోవడం చూశాను. అప్పుడు నాకు ఆ ప్రశ్నకు జవాబు తెలుసన్న సంగతి నన్ను ఆశ్చర్యం కలిగించింది’’ అని తమన్నా వివరించింది. ఆ సీక్రెట్ ని మాత్రం బయటపెట్టలేదు.