ఖైదీ నంబర్ 150 ప్రీరిలీజ్ వేడుకకు పవన్ కళ్యాణ్ వస్తారా?

మెగాస్టార్ చిరంజీవి తొమ్మిదేళ్ల తర్వాత హీరోగా చేసిన చిత్రం ఖైదీ నంబర్ 150 ఎలా ఉండబోతుందో ? అనే విషయం కంటే ఈ నెల 7 వ తేదీన మంగళగిరిలో హాయ్ ల్యాండ్ లో నిర్వహించనున్న ప్రీ రిలీజ్ ఫంక్షన్ కి వస్తున్నారా? లేదా? అనే ప్రశ్న ప్రస్తుతం ఫిల్మ్ నగర్లో హాట్ టాపిక్ గా మారింది. ఎంతో గ్రాండ్ గా జరగనున్న ఈ కార్యక్రమానికి మెగాస్టార్ కుటుంబానికి చెందిన హీరోలు అల్లు అర్జున్, అల్లు శిరీష్, వరుణ్ తేజ్, సాయి ధరమ్ తేజ్ హాజరవుతున్నారు. మెగా బ్రదర్ నాగబాబు ఫ్యామిలీతో వస్తున్నారు. అయినా  మెగా అభిమానులకు వెలితిగానే ఉంది. పవర్ స్టార్ పవన్ కళ్యాణ్ రావాలని కోరుకుంటున్నారు. వస్తున్నారనే వార్త కోసం ఎదురుచూస్తున్నారు. చిత్ర నిర్మాత, మెగాస్టార్ తనయుడు రామ్ చరణ్ తేజ్ తన బాబాయ్ ని రప్పించేందుకు తీవ్రంగా ప్రయత్నిస్తున్నారు.

తాను స్పెషల్ గా పిలవడమే కాదు… ఈ చిత్రాన్ని సమర్పిస్తున్న చిరు సతీమణి సురేఖ, తన మరిదిని ఫంక్షన్ కి రమ్మని ఆత్మీయంగా పిలిచారు. ఇంకా పవన్ వైపు నుంచి వస్తున్నట్లు మాట రాలేదు. పవన్ ప్రస్తుతం కాటమరాయుడు షూటింగ్ లో బిజీగా ఉన్నారు. జనవరి 7 న కూడా షూటింగ్ ఉందని ఆ చిత్ర బృందం తెలిపింది. అన్నయ్య కోసం, వదిన ఆహ్వానాన్ని గౌరవించి, చరణ్ నిర్మించిన చిత్రం హిట్ కావాలని ఆకాంక్షించి ఒక్కరోజు షూటింగ్ కి విరామం ఇచ్చి, ఖైదీ నంబర్ 150  ప్రీ రిలీజ్ ఈవెంట్ కి పవర్ స్టార్ వస్తారేమో చూడాలి.

Also, do SUBSCRIBE to our YouTube channel to get latest Tollywood updates.