చిరంజీవి సినిమాల నెంబర్లు మారిపోయాయి అనే విషయం మీకు తెలుసు కదా. కొత్త నెంబర్ల ప్రకారం 157 అనుకున్న సినిమా కాస్తా… 156 అయిపోయింది. ఇప్పుడు ఆ 156వ సినిమా గురించి ఆసక్తికర అంశాలు బయటకు వస్తున్నాయి. దానికి కారణం సినిమా ఇటీవల అధికారికంగా ప్రారంభం కావడమే. తొలుత పాటల రికార్డింగ్‌ మొదలుపెట్టిన సినిమా టీమ్‌… ఆ తర్వాత దేవుడు పటాల మీద క్లాప్‌తో తొలి షాట్‌ తీశారు. దీంతో ఈ సినిమా అప్‌డేట్స్‌ కొన్ని సోషల్ మీడియాలో కనిపిస్తున్నాయి.
వాటిలో ఎంతవరకు నిజం ఉంది, పుకార్లు నిజమేనా అంటే నిజం అని చెప్పలేం కానీ… సినిమా గురించి ఇప్పటి వరకు వచ్చిన పుకార్లకు దగ్గరగానే ఈ కొత్త పుకార్లు కూడా ఉండేసరికి నమ్మాల్సి వస్తోంది. సినిమాకు ‘ముల్లోకవీరుడు’ అనే పేరు పెడతారని కొన్ని రోజులు క్రితం ఓ పుకారు వచ్చిందని మీకు గుర్తుండే ఉంటుంది. ఇప్పుడు దానికి దగ్గరగానే సినిమా కథ ఉందంటూ ఓ పుకారు బయటకు వచ్చింది. దాని ప్రకారం చూస్తే.. ఈ సినిమా టైమ్‌ ట్రావెల్‌ అని చెబుతున్నారు.
యూవీ క్రియేషన్స్‌ నిర్మాణంలో వశిష్ట మల్లిడి దర్శకత్వంలో ఈ సినిమా రూపొందనున్న విషయం తెలిసిందే. ఈ సినిమాకు రూ. 200 కోట్లకుపైగా ఖర్చు చేస్తున్నారని ఓ సమాచారం. ఈ సినిమాలో భూలోకం, పాతాళ లోకం, దేవ లోకం కలయికలో ఉంటుంది అని అంటున్నారు. ఈ మేరకు మూడు రకాల సెట్‌లు కూడా రూపొందిస్తారని సమాచారం అందుతోంది. ఈ సినిమాలో చిరంజీవితో మరో కీలక పాత్ర ఉంటుంది అంటున్నారు. ఆ పాత్రతోనే టైమ్‌ ట్రావెల్‌లో చిరంజీవి మూడు లోకాలకు వెళ్తాడట.
ఆ పాత్ర ఎవరు, ఎందుకు మూడు లోకాలకు వెళ్లాల్సి వస్తుంది అనేది (Chiru 156) సినిమాలో మెయిన్‌ పాయింట్‌ అని చెబుతున్నారు. అయితే ఇక్కడ ప్రశ్న ఆ రెండో పాత్ర ఎవరు అని. కొంతమంది అయితే ఆ పాత్ర ఓ చిన్న పాప అని చెబుతుండగా… మరికొందరేమో మరో యంగ్ హీరో ఉంటారు అని అంటున్నారు. అంతేకాదు మూడు లోకాలకు ముగ్గురు హీరోయిన్లు ఉంటారని కూడా ఓ టాక్‌ నడుస్తోంది.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home