నాని తండ్రి కాబోతున్నాడు… ఆ మాటకొస్తే అయ్యాడు కూడా. ఇదేం కొత్త విషయం ఎప్పుడో తెలుసు కదా అనుకుంటున్నారా? అవును మీరు చెప్పింది నిజమే అయితే అది నిజ జీవితంలో, ఇప్పుడు మేం చెబుతున్న సినిమా జీవితంలో. నాని – మృణాల్ కాంబోలో ఓ సినిమా తెరకెక్కుతున్న విషయం తెలిసిందే. నిజానికి ఈ సినిమాను ఇలా కాకుండా నాని – కియారా కాంబినేషన్‌లో అనాలి. అలా అని ఆ కియారా.. కియారా అడ్వాణీ కాదు. కియారా ఖన్నా అన్నమాట. ఇప్పుడు అర్థమైందిగా మేం చెబుతున్న నాని 30వ సినిమా గురించి.
తండ్రీ కూతుళ్ల మధ్య సంభాషణ అనే కాన్సెప్ట్‌లో ఈ సినిమాను ‘దసరా’ షూటింగ్‌ ఆఖరులో విడుదల చేశారు. అప్పట్లో ఆ వీడియోకు మంచి స్పందనే వచ్చింది. ఇప్పుడు ఈ సినిమా టైటిల్‌, ఫస్ట్‌లుక్‌ను విడుదల చే్తారని సమాచారం. త్వరలోనే నానిని (Nani) కొత్త లుక్‌లో చూడొచ్చు అని అంటున్నారు. అన్నీ అనుకున్నట్లుగా జరిగితే ఈ సినిమా పేరు కూడా దాదాపు ఫిక్స్‌ అయిపోయింది అని చెప్పొచ్చు. ఈ సినిమాకు అనుకుంటున్న టైటిల్స్‌ మొత్తం ‘డాడీ’ చుట్టూనే తిరుగుతున్నాయి.
సినిమా అనౌన్స్‌మెంట్‌ వీడియో తరహాలోనే సినిమా అంతా తండ్రీ కూతుళ్ల మధ్య సాగుతుందట. అందుకే పేరును కూడా ఆ అనుంబంధం తెలిపేలా ప్లాన్‌ చేస్తున్నారట. దీని కోసం ఫైనల్‌ షార్ట్‌ లిస్ట్ చేసిన పేర్లలో ‘హాయ్‌ డాడీ’, ‘డియర్‌ డాడీ’, ‘హలో డాడీ’ ఉన్నాయట. వాటిల్లో ఒకటి ఫైనల్‌ చేస్తారు అని అంటున్నారు. ఈ ఏడాది చివర్లో ఈ క్లాస్ సినిమాతో నాని ప్రేక్షకుల ముందుకు రాబోతున్నాడు. శౌర్యువ్ అనే కొత్త దర్శకుడు రూపొందిస్తున్న సినిమా ఇది.
ఇందాక చెప్పినట్లు ఇందులో మృణాల్ ఠాకూర్ కథానాయిక. కూతురి పాత్రలో కియారా ఖన్నా అనే చిన్నారి నటిస్తోంది. మోహన్ చెరుకూరి ఈ సినిమాను నిర్మిస్తున్నాడు. విజేందర్ రెడ్డి, మూర్తి ఇందులో భాగస్వాములు. విజయ్‌ దేవరకొండ – సమంత ‘ఖుషి’ సినిమాతో టాలీవుడ్‌లోకి అడుగు పెడుతున్న మలయాళ సంగీత దర్శకుడు హేషమ్ అబ్దుల్ ఈ చిత్రానికి సంగీతం అందిస్తున్నారు.
‘జవాన్’ ట్రైలర్ పై ట్రెండ్ అవుతున్న 15 మీమ్స్!
ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!
