సగం ఏడాది పూర్తవ్వడానికి కొత్త నెల మొదలైపోయింది. టాలీవుడ్లో తిరిగి స్టార్ కల రాబోతోంది. ఎప్పుడో సంక్రాంతికి స్టార్ హీరోల సినిమాలు వచ్చాక మళ్లీ ఆ స్థాయిలో స్టార్ కల కనిపించలేదు. అయితే ఆరో నెలలో ఆరుగురు హీరోలు బాక్సాఫీసు దగ్గర సందడి చేయబోతున్నారు. దీంతో ఈ నెల (Box Office) జబర్దస్త్గా ఉండబోతోంది అని చెప్పొచ్చు. సినిమాలు ఆశించిన విజయాలు అందుకుంటే ఇక టాలీవుడ్లో సందడి వాతావరణం పక్కా అని చెప్పొచ్చు.
ఎందుకంటే ఈ నెలలో నాలుగు వారాలకు నాలుగు పెద్ద సినిమాలు వస్తున్నాయి కాబట్టి. జూన్ సినిమాల (Box Office) సందడిని ‘థగ్ లైఫ్’ (Thug Life) సినిమాతో స్టార్ట్ చేయబోతున్నారు కమల్ హాసన్ (Kamal Haasan) , శింబు (Silambarasan). మణిరత్నం (Mani Ratnam) తెరకెక్కించిన ఈ సినిమాను జూన్ 5న విడుదల చేయబోతున్నారు. ఈ పాన్ ఇండియా చిత్రంపై భారీ అంచనాలే ఉన్నాయి. కమల్ – మణిరత్నం కాంబినేషన్లో సుమారు మూడు దశాబ్దాల తర్వాత వస్తోన్న సినిమా ఇది. రెండో వారం పవన్ కల్యాణ్ (Pawan Kalyan) ఫ్యాన్స్ పండగ ఉండబోతోంది.
ఎన్నో ఏళ్లుగా ఎదురుచూస్తున్న ‘హరి హర వీరమల్లు’ (Hari Hara Veera Mallu) సినిమాను అప్పుడే తీసుకొస్తాం అని చెబుతున్నారు. క్రిష్ జాగర్లమూడి (Krish Jagarlamudi) – జ్యోతి కృష్ణ (Jyothi Krishna) దర్శకత్వంలో రూపొందిన సినిమాను జూన్ 12న తీసుకొస్తారు. మూడో వారం ఓ స్టార్ మల్టీస్టారర్ రిలీజ్కి రెడీ అవుతోంది. ధనుష్ (Dhanush) – నాగార్జున (Nagarjuna)ప్రధాన పాత్రధారులుగా శేఖర్ కమ్ముల (Sekhar Kammula) తెరకెక్కించిన సినిమా ‘కుబేర’(Kubera). డబ్బు చుట్టూ తిరిగే ఈ సినిమా ముంబయి ఉంటుంది. జూన్ 20న రానున్న ఈ సినిమా ఎంతవరకు నిర్మాతలకు డబ్బును తీసుకొస్తుందో చూడాలి.
ఆఖరి వారంలో మంచు విష్ణు (Manchu Vishnu) కలల సినిమా ‘కన్నప్ప’ (Kannappa)రానుంది. శివభక్తుడు కన్నప్ప జీవితం చుట్టూ సాగే ఈ కథతో చరిత్ర సృష్టిస్తామని మంచు కుటుంబంతో నమ్మకంగా ఉంది. మరి ఏమవుతుందో తేలాలంటే జూన్ 27 వరకు వెయిట్ చేయాలి. ఇక తొలి వారంలోనే తెలుగులో ‘గ్యాంబ్లర్స్’, ‘బద్మాషులు’ వస్తున్నాయి. మూడో వారంలో తెలుగులో ‘8 వసంతాలు (8 Vasantalu) తీసుకొస్తారు. ఆఖరి వారంలో విజయ్ ఆంటోని (Vijay Antony) ‘మార్గన్’ను (Maargan) తీసుకొచ్చే ఆలోచనలో ఉన్నారు.
