Kingdom Movie: ‘కింగ్డమ్’ పై అదిరిపోయే అప్డేట్ ఇచ్చిన నాగవంశీ..!

‘కింగ్డమ్’ (Kingdom) రిలీజ్ కోసం విజయ్ దేవరకొండ (Vijay Devarakonda) అభిమానులు ఎంతో ఆసక్తిగా ఎదురుచూస్తున్నారు. ఇప్పటికే 3 సార్లు రిలీజ్ వాయిదా వేశారు. మొదట మార్చి 28 అన్నారు, తర్వాత మే 31 అన్నారు. తర్వాత ఫైనల్ గా జూలై 4 ఫిక్స్ అన్నారు. ఇప్పుడు ఆ డేట్ కి కూడా రావడం లేదు. కొత్త రిలీజ్ గురించి ఇంకా అధికారికంగా ప్రకటించలేదు మేకర్స్. దీంతో ట్విట్టర్ లో నిర్మాత నాగవంశీపై ఛాన్స్ దొరికిన ప్రతిసారి విరుచుకుపడుతున్నారు విజయ్ అభిమానులు.

Kingdom

‘కన్నప్ప’ రిలీజ్ గురించి ట్వీట్ వేసినా, ‘హరిహర వీరమల్లు’ ట్రైలర్ గురించి ట్వీట్ వేసినా విజయ్ ఫ్యాన్స్ అంతా ఏకమై నాగవంశీని ఓ రేంజ్లో ఆడేసుకుంటున్నారు. దీంతో నాగవంశీ దిగొచ్చి వారిని శాంతింపజేయడానికి ఓ మంచి అప్డేట్ ఇచ్చాడు. నాగవంశీ తన ట్విట్టర్ ద్వారా స్పందిస్తూ.. “నేను ఏం పోస్ట్ చేసినా ‘కింగ్డమ్’ గురించి నాపై విరుచుకుపడుతూ వస్తున్నారు. మీ బాధను నేను అర్ధం చేసుకోగలను. కానీ నమ్మండి.మీకొక మాసివ్ బిగ్ స్క్రీన్ ఎక్స్పీరియన్స్ అందించాలి అని నా టీమ్ అహర్నిశలు ఈ ప్రాజెక్టు కోసం కష్టపడుతూనే ఉంది.

మీకు నేను మాటిస్తున్నాను. ఇది ఆవేశంతో చెబుతున్నది కాదు. మీకు తెలుసు నాకు ఎంతో నమ్మకం కలిగితేనే కానీ ఏదీ చెప్పను. ఎందుకంటే కొంచెం మిస్ ఫైర్ అయినా మీ క్రియేటివిటీ(ట్రోలింగ్ టాలెంట్) అంతా నాపై చూపిస్తారు. అందుకే ‘కింగ్డమ్’ సినిమా చూసిన నమ్మకంతో చెబుతున్నా కచ్చితంగా ఇది మిమ్మల్ని ఆకట్టుకుంటుంది.

దర్శకుడు గౌతమ్ స్టైల్లో ప్యాక్ చేసిన కమర్షియల్ ఎంటర్టైనర్ ఇది. అతి త్వరలో రిలీజ్ డేట్ టీజర్ అలాగే సాంగ్ అనౌన్స్మెంట్ తో కలుద్దాం” అంటూ చెప్పుకొచ్చాడు. సో ‘కింగ్డమ్’ రిలీజ్ డేట్ ను టీజర్ ద్వారా ప్రకటించనున్నారు అనమాట. అలాగే సాంగ్ అనౌన్స్మెంట్ కూడా ఉండబోతుంది.

2వ వీకెండ్ కూడా బాగా క్యాష్ చేసుకున్న ‘కుబేర’