ప్రభాస్ అడ్డంగా దొరికేసాడు.. ట్రోలింగ్ పీక్స్..!

‘సాహో’ చిత్రం విడుదల తేదీ దగ్గరపడుతోంది. రెండేళ్ళుగా ఈ చిత్రం కోసం ప్రభాస్ ఫ్యాన్స్ ఎంతో సహనంతో ఎదురుచూస్తున్నారు. ఎట్టకేలకు ఆగష్టు 30 న ఈ చిత్రం విడుదల కాబోతుంది. అసలే 350 కోట్ల భారీ బడ్జెట్ సినిమా కాబట్టి.. ప్రమోషన్లు ఓ రేంజ్ లో నిర్వహిస్తున్నారు చిత్ర యూనిట్ సభ్యులు. ఇక ప్రెస్ మీట్లలో ప్రభాస్ ను రక రకాల ప్రశ్నలు అడిగి విసికిస్తున్నారు. ఇందులో ప్రభాస్ పెళ్ళి విషయం, అలాగే అనుష్కతో ప్రేమాయణం విషయాలు కూడా ఉన్నాయి. మొన్నామధ్య వీళ్లిద్దరూ కలిసి అమెరికాలో ఓ ఇల్లు కొనబోతున్నారని, జపాన్ కి హాలిడే ట్రిప్ కు వెళ్తున్నారని, ‘సాహో’ చిత్రంలో అనుష్క కోసం స్పెషల్ షో కూడా ఉందని వార్తలు వస్తున్నాయి. ప్రభాస్ ఎన్ని సార్లు అనుష్క విషయం పై క్లారిటీ ఇస్తున్నా.. ఈ రూమర్లు ఆగడం లేదు.

ఇప్పుడు మరోసారి రూమర్స్ రావడంతో ప్రభాస్ అసహనం ఫైర్ అయ్యాడు. అనుష్కతో ఎఫైర్ గురించి ప్రముఖ మ్యాగజైన్ ప్రభాస్ ని అడుగగా.. ‘అందులో ఎంత మాత్రం నిజం లేదు. గత రెండేళ్ళ నుండీ నేను, అనుష్క కలిసింది కూడా లేదు. ఒకవేళ మా ఇద్దరి మధ్య ఏదైనా ఎఫైర్ నడుస్తూ ఉంటే ఎక్కడో ఒకచోట కలిసే వాళ్ళం కదా..? అలా ఎక్కడా కలవకుండానే… ఇలాంటి రూమర్లు రావడమేంటో అర్ధం కావడం లేదు” అంటూ ప్రభాస్ చెప్పుకొచ్చాడు. అయితే ‘రెండేళ్ళుగా అనుష్కని కలవలేదు’ అని చెప్పడంతో ప్రభాస్ దొరికిపోయాడు. 2018 ‘భాగమతి’ సినిమా టైంలోనూ.. అలాగే 2018 డిసెంబర్లో జరిగిన రాజమౌళి కొడుకు కార్తికేయ పెళ్ళిలోనూ ప్రభాస్ అనుష్క కలిసి ఉన్న ఫోటోలు నెట్లో హల్ చల్ చేసాయి. అంటే అనుష్కని కలిసి రెండేళ్ళు మాత్రం కాలేదు.. కనీసం సంవత్సరం కూడా కాలేదు. దీంతో ప్రభాస్ పై ట్రోలింగ్ మొదలైంది. ‘కంటికి కనిపించే వాటి దగ్గరే ఇలా అబద్దాలు చెబుతున్నావ్… ఇక వెనుక జరిగే విషయాల్ని ఎందుకు నిజమని చెబుతావ్’ అంటూ ప్రభాస్ ని ట్రోల్ చేస్తున్నారు. మరికొందరైతే ‘ఇలా దొరికేసావ్ ఏంటి.. డార్లింగ్’ అని కూడా కామెంట్లు పెడుతున్నారు.