కొన్నాళ్ల క్రితం పవన్ కళ్యాణ్ కు చెందిన పవన్ కళ్యాణ్ క్రియేటివ్ వర్క్స్ బ్యానర్ తో తాము భాగస్వామ్యం అయినట్లు పీపుల్ మీడియా ఫ్యాక్టరీ మీడియా ముఖంగా వెల్లడించింది. ఒప్పందంలో భాగంగా ఈ రెండు బ్యానర్లు కలిసి 6 చిన్న సినిమాలు, మరో ఆరు మీడియా రేంజ్ బడ్జెట్ సినిమాలు, ఇంకో మూడు భారీ బడ్జెట్ సినిమాలు నిర్మిస్తున్నాయని.. ఈ 15 సినిమాల్లో దాదాపు 10 సినిమాలతో కొత్త టాలెంట్ ను పరిచయం చేస్తామని కూడా ప్రకటించారు.
ఈ ప్రకటన వచ్చి ఇప్పటికి ఏడాది దాటిపోయింది. కానీ ఇప్పటివరకు ఈ జాయింట్ వెంచర్ పై క్లారిటీ రాలేదు. ఎలాంటి ప్రణాళిక వెల్లడించలేదు. ఈ గ్యాప్ లో తన సినిమాలు తాను చేసుకుంటున్నారు పవన్ కళ్యాణ్. అటు పీపుల్ మీడియా నిర్మాతలు కూడా తమ సినిమాలేవో తాము ప్లాన్ చేసుకుంటున్నారు. ఈ ఏడాదిలో జరిగిన పరిణామం ఏదైనా ఉందంటే అది ‘వినోదాయ సితం’ రీమేక్ మాత్రమే. పవన్ తో ఈ రీమేక్ ప్లాన్ చేస్తోంది పీపుల్ మీడియా ఫ్యాక్టరీ.
పవన్ కీడా ఈ సినిమాకి గ్రీన్ సిగ్నల్ ఇచ్చారు. ఒరిజినల్ సినిమాను డైరెక్ట్ చేసిన సముద్రఖని రీమేక్ ను కూడా డైరెక్ట్ చేయబోతున్నారు. ఈ సినిమాపై ఇంకా అధికార ప్రకటన రాలేదు. ఈ సినిమాకి పవన్ కళ్యాణ్, టీజీ విశ్వప్రసాద్ నిర్మాతలుగా వ్యవహరించనున్నారు. మధ్యలో జీ స్టూడియోస్ కూడా వచ్చి చేరింది. ఈ రీమేక్ సంగతి పక్కన పెడితే.. మిగిలిన సినిమాలపై ఈ బ్యానర్ల భాగస్వామ్యంపై క్లారిటీ రావడం లేదు.
పవన్ కళ్యాణ్ క్రియేటివ్ వర్క్స్ బ్యానర్ పై రామ్ చరణ్ హీరోగా ఓ సినిమా ప్రపోజల్ చాలాకాలంగా పెండింగ్ లో ఉంది. పీపుల్ మీడియా బ్యానర్ భాగస్వామిగా మారడంతో పవన్ బ్యానర్ పై చరణ్ సినిమా కచ్చితంగా ఉంటుందని మెగాఫ్యాన్స్ ఆశ పడ్డారు. కానీ దానిపై కూడా క్లారిటీ ఇవ్వలేదు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
