ఎన్టీఆర్ ఛాలంజ్ ని మహేష్ స్వీకరిస్తారా ?

రామ్ చరణ్, మహేష్ బాబు, ఎన్టీఆర్ ల మధ్య ఎంత మంచి స్నేహం ఉందో ఈ మధ్య బయటికి వచ్చిన ఫోటోలు స్పష్టం చేసాయి. మహేష్ భరత్ అనే నేను మూవీ వేడుకకు హాజరవ్వడం, రామ్ చరణ్ తో కలిసి నటించడానికి గ్రీన్ సిగ్నల్ ఇవ్వడం వంటివి తారక్ కి యాంటీ ఫ్యాన్స్ అంటూ లేకుండా చేసాయి. అభిమానులను మరింత పెంచాయి. తాజాగా మరో సంచలనమైన ఛాలెంజ్ తో ఎన్టీఆర్ మరో సారి టాక్ ఆఫ్ ది టాలీవుడ్ అయ్యారు. ఆ వివరాల్లోకి వెళితే.. రీసెంట్ గా కేంద్ర మంత్రి రాజ్య వర్ధన్ సింగ్ ”మనం ఫిట్ గా ఉంటే దేశం కూడా ఫిట్ గా ఉంటుంది” అని చెప్పి ట్రెండ్ అయ్యారు. ఆయన మాటలను దేశంలోని ప్రముఖులు ఛాలెంజ్ గా తీసుకున్నారు. మలయాళ సూపర్ స్టార్ మోహన్ లాల్ ఈ ఫిట్ నెస్ ఛాలెంజ్ ని ఎన్టీఆర్ కు విసిరాడు.

అది స్వీకరించిన ఎన్టీఆర్ ..మహేష్ తో పాటు నందమూరి కళ్యాణ్ రామ్, చరణ్, కొరటాల శివ, రాజమౌళి లకు హమ్ ఫిట్ హాయ్ తో ఇండియా ఫిట్ అంటూ ఛాలెంజ్ విసిరారు. రామ్ చరణ్ ట్విట్టర్ అకౌంట్ లేక పోవడంతో ఆ ఛాలెంజ్ గురించి చరణ్ కు చెప్పండి అంటూ ఉపాసనకు పోస్ట్ చేసారు. త్రివిక్రమ్ సినిమా కోసం ఎన్టీఆర్ మరింత ఫిట్ అయ్యారు. సిక్స్ ప్యాక్ బాడీతో అదరగొట్టారు. ఇదివరకు కళ్యాణ్ రామ్, రామ్ చరణ్ లు సిక్స్ ప్యాక్ లతో మెప్పించారు. వారు ఈ ఛాలెంజ్ ని సరదాగా స్వీకరిస్తారు. మరి షర్ట్ విప్పని మహేష్ ఎన్టీఆర్ సవాల్ ని స్వీకరించి సిక్స్ ప్యాక్ కోసం ప్రయత్నిస్తారా? అనేది ఆసక్తికరంగా మారింది.