‘గేమ్ ఛేంజర్’ (Game Changer) ఈ ఏడాది వచ్చిన బిగ్గెస్ట్ డిజాస్టర్ మూవీ. రాంచరణ్(Ram Charan), దిల్ రాజు (Dil Raju).. ఇద్దరికీ ఈ సినిమా ఫలితం అనేది ఓ చేదు జ్ఞాపకమే. ఈ గాయం నుండి దిల్ రాజు, రాంచరణ్ కోలుకునే ప్రయత్నాలు చేస్తున్నారు. కానీ మీడియా మాత్రం ఆ సినిమా ఫలితం గురించి మేకర్స్ ను గుచ్చి గుచ్చి అడుగుతూ.. ఇబ్బంది పెడుతూనే ఉంది.
తాజాగా ‘తమ్ముడు’ ప్రమోషన్స్ లో భాగంగా పాల్గొన్న దిల్ రాజుని యాంకర్ మళ్ళీ ‘గేమ్ ఛేంజర్’ (Game Changer) గురించి ప్రశ్నించాడు. ఈ క్రమంలో తన ఫ్రస్ట్రేషన్ ను మరోసారి బయటపెట్టారు దిల్ రాజు. దిల్ రాజు (Dil Raju) మాట్లాడుతూ.. “ ‘గేమ్ ఛేంజర్’ (Game Changer) గురించి నేను అంతకు ముందు ఈవెంట్లలో కూడా చెప్పాను.
ఆ సినిమా పూర్తిగా నా చేతిలో లేదు. 4 గంటల 30 నిమిషాల రన్ టైం వచ్చింది.అప్పట్లో నాకు పెద్ద దర్శకులతో పనిచేసిన అనుభవం లేదు. అందులోనూ శంకర్ (Shankar) వంటి లెజెండరీ డైరెక్టర్ సినిమా విషయంలో నేను ఫ్రీడమ్ తీసుకోలేదు. అప్పటివరకు నేను చేసిన సినిమాలన్నీ నా కంట్రోల్లో ఉండేవి.
‘గేమ్ ఛేంజర్’ (Game Changer) అలా కాదు. దాని విషయంలో నేను ఎవరినీ నిందించడానికి లేదు. అలాంటి ప్రాజెక్టు టేకప్ చేయడమే నా ఫస్ట్ మిస్టేక్ అనుకుంటాను. కానీ చరణ్కి అలాంటి సినిమా పడుండకూడదు అనే బాధ నాకు ఎక్కువగా ఉంది. అది నన్ను ఎమోషనల్ అయ్యేలా చేస్తుంది. అయితే ఏం చేయలేని పరిస్థితి నాది. అలవాటు లేని ప్రాజెక్టు ఎత్తుకునే సాహసం భవిష్యత్తులో చేయకూడదు అని డిసైడ్ అయ్యాను” అంటూ చెప్పుకొచ్చాడు.
