యువ దర్శకుడు ప్రశాంత్ వర్మ చెప్పిన కథకు పెద్ద స్టార్స్ ఔరా అన్నారు. అడిగిన వెంటనే డేట్స్ ఇచ్చారు. నేచురల్ స్టార్ నాని అయితే ఈ కథ కోసం ఏకంగా నిర్మాతగా మారిపోయారు. వాల్ పోస్టర్ బ్యానర్ స్థాపించి ఈ సినిమాని నిర్మించారు. విలక్షణమైన కథ, కథనంతో తెరకెక్కిన ఈ చిత్రం విమర్శకుల ప్రసంశలు అందుకుంది. తాజాగా ప్రశాంత్ వర్మ నానికి మరో కథని చెప్పినట్లు టాక్. ఆ కథ నచ్చడంతో నటించడానికి గ్రీన్ సిగ్నల్ ఇచ్చినట్లు తెలిసింది. మరి స్వయంగా నిర్మిస్తారా? లేదా? అనే విషయం బయటికి రాలేదు. ప్రస్తుతం నాని యువ దర్శకుడు మేర్లపాక గాంధీ దర్శకత్వంలో “కృష్ణార్జున యుద్ధం” సినిమా చేస్తున్నారు.
నాని ద్విపాత్రాభినయం చేస్తున్న ఈ మూవీ ఏప్రిల్ 13 న రిలీజ్ కానుంది. ఇది రిలీజ్ కాకముందే శ్రీరామ్ ఆదిత్య డైరెక్ష‌న్‌లో నటించనున్నారు. నాగార్జునతో కలిసి మల్టీ స్టారర్ మూవీ చేయనున్నారు. దీని తరవాత అవసరాల శ్రీనివాస్ దర్శకత్వంలో నటించడానికి ఒకే చెప్పారు. సో ఈ ప్రాజక్ట్స్ అయిన తర్వాత ప్రశాంత్ వర్మ ప్రాజక్ట్ పట్టాలెక్కనుంది.
