Balakrishna: అఖండ 2: ఆ సీనియర్ హీరోయిన్ కూడా ఉందా?

నందమూరి బాలకృష్ణ (Nandamuri Balakrishna)  – బోయపాటి శ్రీను (Boyapati Srinu)  కాంబినేషన్ అంటేనే తెలుగు ప్రేక్షకుల్లో ఓ ప్రత్యేక క్రేజ్ ఉంటుంది. ‘సింహా’(Simha) , లెజెండ్ (Legend) ‘అఖండ’ (Akhanda) వంటి బ్లాక్‌బస్టర్ చిత్రాల తర్వాత వీరిద్దరి కాంబోలో వస్తున్న ‘అఖండ 2’ సినిమాపై అంచనాలు తారా స్థాయిలో ఉన్నాయి. ఇప్పటికే షూటింగ్ శరవేగంగా సాగుతుండగా, తాజాగా ఈ చిత్రానికి సంబంధించి ఓ ఆసక్తికర వార్త సోషల్ మీడియాలో వైరల్ అవుతోంది. టాలీవుడ్ సీనియర్ హీరోయిన్, లేడి సూపర్ స్టార్ విజయశాంతి (Vijaya Shanthi) ‘అఖండ 2’లో కీలక పాత్రలో నటించనున్నట్టు బజ్ వినిపిస్తోంది.

Balakrishna

రాజకీయ నేతగా ఆమె ఓ పవర్‌ఫుల్ రోల్‌లో కనిపించనున్నారని టాక్. బాలయ్య-విజయశాంతి కాంబోలో గతంలో పలు హిట్లున్నాయి. మళ్లీ ఈ కాంబినేషన్ తెరపై కనిపిస్తే బలమైన కనెక్ట్ ఏర్పడుతుంది. అధికారిక ప్రకటన ఇంకా రాలేకపోయినా, ఈ వార్తపై అభిమానుల్లో భారీ ఎగ్జైట్­మెంట్ నెలకొంది. ఈ సినిమాతో బాలయ్య మళ్లీ డ్యూయల్ షేడ్స్‌లో కనిపించే అవకాశం ఉందని తెలుస్తోంది.

ఒకవైపు అఘోర పాత్రలో పవర్‌ఫుల్ మాస్ లుక్‌తో, మరోవైపు సత్యపథం పాటించే గురువు తరహా క్యారెక్టర్‌లో బాలయ్య నటిస్తున్నట్టు లీకులు వినిపిస్తున్నాయి. ఇక హీరోయిన్‌లుగా ప్రగ్యా జైస్వాల్ (Pragya Jaiswal) ,  సంయుక్త మీనన్‌లు  (Samyuktha Menon)  ఇప్పటికే లైన్‌లో ఉన్నారు. వీరితో పాటు విజయశాంతి కూడా జాయిన్ అయితే సినిమాకు మరింత బలమవుతుంది. విజయశాంతి విషయానికి వస్తే, ఇటీవలే నందమూరి కల్యాణ్ రామ్  (Nandamuri Kalyan Ram)  నటించిన ‘అర్జున్ సన్నాఫ్ వైజయంతి’ (Arjun Son Of Vyjayanthi)  సినిమాలో పోలీస్ ఆఫీసర్ పాత్రలో మెప్పించారు.

ఆమె క్యారెక్టర్‌కు మంచి రెస్పాన్స్ వచ్చింది. అదే స్థాయిలో ‘అఖండ 2’లో కూడా ఆమెకు బలమైన రోల్ ఉంటుందని ఊహించవచ్చు. బోయపాటి మార్క్ మాస్ ఎమోషన్‌కి విజయశాంతి ప్రెజెన్స్ కలిస్తే, ప్రేక్షకులకు ఓ స్పెషల్ ఎక్స్‌పీరియెన్స్ తప్పదు. తమన్ (S.S.Thaman)  సంగీతం అందిస్తున్న ఈ మాస్ యాక్షన్ ఎంటర్టైనర్‌ను 14 రీల్స్ ప్లస్ బ్యానర్‌పై నిర్మిస్తున్నారు. సెప్టెంబర్ 25న సినిమాను గ్రాండ్‌గా విడుదల చేయాలని ప్లాన్ చేస్తున్నారు.

నాని ప్రమోషన్స్ లో కూడా అదే వైలెన్స్..!