‘హరిహర వీరమల్లు’ (Hari Hara Veera Mallu) సినిమా షూటింగ్ ఎట్టకేలకు కంప్లీట్ అయ్యింది. దాదాపు 5 ఏళ్ళ పాటు షూటింగ్ దశలో ఉన్న ఈ సినిమా.. పవన్ కళ్యాణ్ (Pawan Kalyan) పొలిటికల్ యాక్టివిటీస్, బడ్జెట్ సమస్యల కారణంగా.. లేట్ అయ్యింది. షూటింగ్ కంప్లీట్ అయ్యాక కూడా ఈ సినిమాకి ఏదో ఒక అవాంతరం వస్తూనే ఉంది. ఇప్పటికే 5 సార్లు పైనే ఈ సినిమా విడుదల వాయిదా పడింది.
మొత్తానికి జూన్ 12కి రిలీజ్ పక్కా అని అనుకున్నారు. కానీ ఈసారి కూడా వాయిదా పడింది. అందుకు కారణాలు లేకపోలేదు. ‘సినిమాపై సరైన బజ్ లేకపోవడంతో.. నిర్మాత చెప్పే రేట్లకి డిస్ట్రిబ్యూటర్లు కొనుగోలు చేయలేము అంటూ చేతులెత్తేశారు’ అనేది ఎక్కువగా వినిపిస్తున్న సమాధానం. మరోపక్క థియేటర్ల ఇష్యు సంగతి తెలిసిందే. వాటి చుట్టూ అల్లుకున్న రాజకీయ అంశాలు కూడా తెలిసిన విషయమే. మరోపక్క వి.ఎఫ్.ఎక్స్ పనులు పెండింగ్ ఉన్నాయి అనేది ఇంకో సమాధానం.
ఈ విషయాలు పక్కన పెట్టేస్తే… సినిమాపై బజ్ లేదు అనేది వాస్తవం. దాని కోసం ప్రమోషన్ కూడా కొంచెం చేస్తే.. దీనికి మంచి పుష్ ఉంటుంది. నిర్మాత ఏ.ఎం.రత్నం, హీరోయిన్ నిధి అగర్వాల్ మాత్రమే ఈ సినిమా ప్రమోషన్ భారాన్ని మోస్తున్నారు. వీళ్ళు ఎంతవరకు అని ఒడ్డున చేరుస్తారు. ముఖ్యంగా నిర్మాత ఏ.ఎం.రత్నం ఈ సినిమాకు రూ.200 కోట్ల పైనే బడ్జెట్ పెట్టారు. అందువల్ల చాలా టెన్షన్ పడుతున్నారు. మొన్నటికి మొన్న ఈయన బిపి వచ్చి పడిపోయినట్టు కూడా టాక్ నడిచింది.
ఈ విషయాలు అర్థం చేసుకుని పవన్ కళ్యాణ్ (Pawan Kalyan) కూడా ప్రమోషన్స్ లోకి దిగాలని డిసైడ్ అయ్యారట. ఇప్పటికే రూ.11 కోట్లు వెనక్కి ఇచ్చి నిర్మాతకి అండగా నిలబడ్డారు. ఇప్పుడు తన వంతు ప్రమోషన్ చేస్తే.. నిర్మాత సినిమాని ఓన్ రిలీజ్ చేసుకున్నా.. తమ అభిమానులు సినిమాని మరింతగా పుష్ చేసి థియేటర్లకు వస్తారు. అలా చూసుకున్నా.. నిర్మాతకి నష్టాలు తప్పుతాయి.
Home