టాలీవుడ్ లో స్టార్ హీరోయిన్‌గా రాణించిన పూజా హెగ్డే (Pooja Hegde), ఇటీవల వరుస ఫ్లాప్స్ తో కొంత వెనక్కి వెళ్లినట్లు కనిపించింది. ‘అల..వైకుంఠపురములో’ (Ala Vaikunthapurramulo) వంటి హిట్స్ తో పూజా టాలీవుడ్‌లో సత్తా చాటింది. అల్లు అర్జున్ (Allu Arjun), మహేష్ బాబు (Mahesh Babu) , ఎన్టీఆర్ (Jr NTR) వంటి స్టార్ హీరోలతో నటించే అవకాశాలు ఆమెను టాప్ హీరోయిన్లలో ఒకరిగా నిలబెట్టాయి. అయితే, ‘రాధేశ్యామ్’ (Radhe Shyam) వంటి పెద్ద సినిమా డిజాస్టర్ కావడం ఆమె కెరియర్ లో కొంత వెనుకడుగు వేసినట్లు అనిపించింది.
తెలుగు, తమిళ, హిందీ భాషల్లో కూడా కొన్ని సినిమాలు ఆమెకు బాగా కలిసిరాలేదు. ప్రభాస్ తో (Prabhas) చేసిన ‘రాధేశ్యామ్,’ చిరంజీవితో (Chiranjeevi) చేసిన ‘ఆచార్య’ (Acharya) సినిమాలు బాక్సాఫీస్ వద్ద ఘోర పరాజయం పొందాయి. అలాగే, బాలీవుడ్ లో సల్మాన్ ఖాన్ తో (Salman Khan) చేసిన ‘కిసికా భాయ్ కిసీకి జాన్, (Kisi Ka Bhai Kisi Ki Jaan)’ రణవీర్ సింగ్ (Ranveer Singh) తో ‘సర్కస్’ (Cirkus) సినిమాలు కూడా డిజాస్టర్ కావడం ఆమెకు ఇబ్బందికర పరిస్థితి తీసుకొచ్చింది. ఇదే సమయంలో కోలీవుడ్‌లో పూజా హెగ్డేకి కొన్ని మంచి అవకాశాలు రావడం కొంత ఊరట కలిగించింది.
సూర్య (Suriya) హీరోగా రూపొందుతున్న సినిమాలో ఆమెకు కీలక పాత్ర దక్కింది. అలాగే, విజయ్ 69వ సినిమాలో కూడా పూజా హెగ్డే హీరోయిన్ గా కన్ఫర్మ్ అయ్యింది. ఈ అవకాశాలు ఆమెను మళ్లీ రేసులోకి తీసుకువస్తున్నాయి. పూజా హెగ్డే ప్రస్తుతం హిందీ సినిమాల్లో కూడా అవకాశాలు సొంతం చేసుకుంటోంది. షాహిద్ కపూర్ (Shahid Kapoor) హీరోగా రూపొందుతున్న ‘దేవ’ సినిమాలో ఆమె ప్రధాన కథానాయికగా నటిస్తోంది. దీనితో పాటు మరికొన్ని తమిళ ప్రాజెక్టులపై చర్చలు జరుగుతున్నాయి.
ఎలాగైనా తన కెరియర్ ట్రాక్ లో పడాలన్న కసితో ఈ కొత్త ప్రాజెక్టులపై దృష్టి సారించింది. ఫ్లాప్స్ వచ్చినప్పటికీ కోలీవుడ్, బాలీవుడ్ నుంచి అవకాశాలు రావడం పూజా హెగ్డేకు మరింత ధైర్యం ఇచ్చింది. ఈ లైనప్ తో పూజా మళ్ళీ స్టార్ డమ్ అందుకునే ప్రయత్నం చేస్తోంది. ఎలాంటి హడావిడి లేకుండా తనకంటూ ప్రత్యేక స్థానం సంపాదించుకుంటున్న ఈ బ్యూటీ మళ్ళీ బాక్సాఫీస్ వద్ద ఎలాంటి విజయాలను అందుకుంటుందో చూడాలి.
Home
