Prabhas: 35 లక్షల రూపాయలు విరాళంగా ఇచ్చిన హీరో ప్రభాస్.. గ్రేట్ అంటూ?

టాలీవుడ్ ఇండస్ట్రీలో ఇతర స్టార్ హీరోలతో పోల్చి చూస్తే స్టార్ హీరో ప్రభాస్ (Prabhas) ఎంతో ప్రత్యేకం అనే సంగతి తెలిసిందే. ఎవరికి ఏ కష్టం వచ్చినా ఈ స్టార్ హీరో అస్సలు తట్టుకోలేరు. ప్రభాస్ పూర్తి పేరు ప్రభాస్ రాజు కాగా విరాళాలు ఇచ్చే విషయంలో ప్రభాస్ నిజంగా రాజేనని అభిమానులు ఫీలవుతారు.తాజాగా 35 లక్షలు డొనేషన్ చేయడం ద్వారా వార్తల్లో నిలిచారు. తెలుగు ఫిలిం డైరెక్టర్స్ అసోసియేషన్ కు ప్రభాస్ ఈ మొత్తాన్ని డొనేట్ చేశారు.

ప్రతి సంవత్సరం మే నెల 4వ తేదీన దాసరి నారాయణరావు (Dasari Narayana Rao) పుట్టినరోజు సందర్భంగా డైరెక్టర్స్ డేను నిర్వహించడం జరుగుతుంది. త్వరలో జరగబోతున్న ఈ గ్రాండ్ ఈవెంట్ అనౌన్స్మెంట్ కార్యక్రమంలో మారుతి (Maruthi Dasari) మాట్లాడుతూ ప్రభాస్ గారు 35 లక్షల రూపాయలు విరాళం ప్రకటించారని చెప్పుకొచ్చారు. ఈ విషయం తెలిసిన నెటిజన్లు ప్రభాస్ మనస్సు మంచిదని ప్రభాస్ ను ఎంత ప్రశంసించినా తక్కువేనని చెబుతున్నారు.

మరోవైపు ప్రభాస్ నటిస్తున్న కల్కి (Kalki 2898 AD) సినిమాకు సంబంధించి పనులు దాదాపుగా పూర్తయ్యాయని తెలుస్తోంది. అన్నీ అనుకున్న విధంగా జరిగితే ఈ సినిమా మే నెల 30వ తేదీన విడుదలవుతుందని ఈ సినిమాకు టికెట్ రేట్ల పెంపు విషయంలో ఎలాంటి ఇబ్బందులు కలగకుండా ఏపీ ఉన్నతాధికారుల నుంచి హామీ లభించిందని తెలుస్తోంది. అయితే 4 సీజీ షాట్స్ వర్క్ వల్ల రిలీజ్ డేట్ ను ప్రకటించడంలో ఇబ్బందులు ఎదురవుతున్నాయి.

అతి త్వరలో ఈ సినిమా రిలీజ్ డేట్ కు సంబంధించిన సస్పెన్స్ కు తెరపడనుందని తెలుస్తోంది. విజువల్ వండర్ గా తెరకెక్కిన కల్కి 2898 ఏడీ సినిమాను వీలైనంత త్వరగా ప్రేక్షకుల ముందుకు తీసుకొనిరావడానికి కల్కి మేకర్స్ సైతం కష్టపడుతున్నారు. సరికొత్త కాన్సెప్ట్ తో తెరకెక్కుతున్న కల్కి బాక్సాఫీస్ వద్ద సక్సెస్ సాధిస్తే భవిష్యత్తులో మరిన్ని క్రేజీ ప్రాజెక్ట్స్ దిశగా టాలీవుడ్ దర్శకనిర్మాతలు అడుగులు వేసే ఛాన్స్ ఉంది.