ప్రశాంత్ వర్మ (Prasanth Varma) టాలీవుడ్లో ఉన్న టాలెంటెడ్ డైరెక్టర్స్ లో ఒకరు. నాని (Nani) నిర్మాణంలో వచ్చిన ‘అ!’ (Awe) చిత్రంతో దర్శకుడిగా పరిచయమయ్యాడు. ఆ సినిమా కమర్షియల్ సక్సెస్ అందుకుంది. కానీ ఆ తర్వాత చేసిన ‘కల్కి’ డిజప్పాయింట్ చేసింది. అయితే మళ్ళీ ‘జాంబీ రెడ్డి’ (Zombie Reddy) తో బౌన్స్ బ్యాక్ అయ్యాడు. ఇక ‘హనుమాన్’ తో అయితే పాన్ ఇండియా డైరెక్టర్ అయిపోయాడు. ఈ ఏడాది రిలీజ్ అయిన ఆ సినిమా బాక్సాఫీస్ వద్ద రూ.330 కోట్ల వరకు వసూళ్లను సాధించింది.
ఇటీవల ఓటీటీలో రిలీజ్ అవ్వగా ఇక్కడ కూడా ఆ సినిమాకి పాజిటివ్ రెస్పాన్స్ వస్తుంది. అయితే ‘హనుమాన్’ (Hanu Man) సినిమాతో దానికి సీక్వెల్ గా ‘జై హనుమాన్’ కూడా ఉంటుందని ప్రశాంత్ వర్మ చెప్పకనే చెప్పాడు. కానీ ఆ ప్రాజెక్టుని ఇతను ప్రస్తుతానికి పక్కన పెట్టేసినట్టు కనిపిస్తుంది. ఎందుకంటే అనుపమతో (Anupama Parameswaran) అతను ఓ విమెన్ సెంట్రిక్ మూవీని తెరకెక్కిస్తున్నాడు. ఇది ఎప్పటికి రిలీజ్ అవుతుందో చెప్పలేం.
అవార్డు ఫంక్షన్స్ కి పంపించి 4 ,5 అవార్డులు అందుకున్నాక ఆ సినిమాని విడుదల చేయాలని అతను భావిస్తున్నట్టు ఇన్సైడ్ టాక్. మరోపక్క బాలీవుడ్ స్టార్ హీరో రణ్వీర్ సింగ్ తో (Ranveer Singh) ప్రశాంత్ వర్మ ఓ సినిమా చేయడానికి రెడీ అయ్యాడట. రణ్వీర్ కూడా ప్రశాంత్ చెప్పిన ఓ స్క్రిప్ట్ కి ఇంప్రెస్ అయిపోయాడట. అందుకే వెంటనే డేట్స్ ఇచ్చేసినట్టు సమాచారం.అతి త్వరలో ఈ ప్రాజెక్టు మొదలయ్యే అవకాశాలు ఉన్నాయి.
Home
