Puri Jagannadh: ఆ స్టార్ హీరో మాత్రమే పూరీకి ఆప్షన్ గా మిగిలారా?

టాలీవుడ్ స్టార్ డైరెక్టర్లలో ఒకరైన పూరీ జగన్నాథ్ ఇస్మార్ట్ శంకర్ సినిమాతో సక్సెస్ సాధించినా లైగర్ సినిమాతో ప్రేక్షకులను తీవ్రస్థాయిలో నిరాశపరిచారు. లైగర్ తర్వాత పూరీ జగన్నాథ్ కు ఛాన్స్ ఇచ్చే హీరో ఎవరనే చర్చ ఇండస్ట్రీ వర్గాల్లో జోరుగా జరుగుతోంది. బాలయ్య పూరీ జగన్నాథ్ కాంబినేషన్ లో ఒక సినిమా తెరకెక్కే ఛాన్స్ అయితే ఉందని కామెంట్లు వినిపిస్తున్నాయి. సక్సెస్ ట్రాక్ తో సంబంధం లేకుండా అవకాశాలు ఇచ్చే హీరోగా బాలయ్యకు పేరుంది.

బాలయ్య పూరీ జగన్నాథ్ కాంబినేషన్ లో పైసా వసూల్ సినిమా తెరకెక్కగా ఈ సినిమా బాక్సాఫీస్ వద్ద యావరేజ్ గా నిలిచింది. అయితే ఈ సినిమా షూటింగ్ సమయంలో బాలయ్య పూరీ జగన్నాథ్ మధ్య అనుబంధం బలపడింది. సరైన కథను వినిపిస్తే పూరీ జగన్నాథ్ కు బాలయ్య ఛాన్స్ ఇచ్చినా ఆశ్చర్యపోవాల్సిన అవసరం లేదు. చిరంజీవి పూరీ జగన్నాథ్ కాంబో మూవీ గురించి వార్తలు ప్రచారంలోకి వచ్చినా ఆ వార్తల్లో నిజం లేదని స్పష్టత వచ్చింది.

పూరీ జగన్నాథ్ లైగర్ సినిమాకు నిర్మాతగా వ్యవహరించడంతో ఆ సినిమా పూరీకి ఆర్థికంగా నష్టాలను మిగిల్చింది. పూరీ జగన్నాథ్ సినిమా నిర్మాణానికి దూరమవుతారా? లేక భవిష్యత్తు ప్రాజెక్ట్ లను కూడా ఆయనే నిర్మిస్తారా? అనే ప్రశ్నలకు సమాధానం దొరకాల్సి ఉంది. పూరీ జగన్నాథ్ కు ఈ ఏడాది అయినా కలిసిరావాలని ఆయన అభిమానులు మనస్పూర్తిగా కోరుకుంటున్నారని సమాచారం.

పూరీ జగన్నాథ్ మంచి కథలతో సినిమాలను తెరకెక్కిస్తే ఆయన సక్సెస్ కావడం కష్టం కాదని కొంతమంది అభిప్రాయం వ్యక్తం చేస్తున్నారు. పూరీ జగన్నాథ్ వేగంగా కథలు రాయడం వల్లే ఆయన సినిమాలు ఆశించిన స్థాయిలో ఫలితాలను అందుకోవడం లేదని కొంతమంది కామెంట్లు చేస్తున్నారు. ఈ కామెంట్లు ప్రస్తుతం సోషల్ మీడియాలో తెగ వైరల్ అవుతున్నాయి.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?