Ram Charan, Upasana: మెగాపవర్‌ కొత్త ఫొటోలు వైరల్‌… ఎక్కడివంటే?

March 9, 2022 / 10:27 AM ISTByFilmy Focus

Join Us

Ram Charan, Upasana: మెగాపవర్‌ కొత్త ఫొటోలు వైరల్‌… ఎక్కడివంటే?

సినిమాలు – కుటుంబం మధ్య బ్యాలెన్స్‌ను నేటితరం హీరోల చక్కగా డీల్‌ చేస్తున్నారు అని ఈ మధ్య మనం చదువుకున్నాం. వరుసగా సినిమాలు చేస్తూనే, విహారానికి వీలు చిక్కేలా చూసుకుంటున్నారు అని అనుకున్నాం. అలా ప్రస్తుతం రామ్‌చరణ్‌ తన శ్రీమతి ఉపాసనతో కలసి వెకేషన్‌లో ఉన్నాడు. ఫిన్లాండ్‌ మంచు పర్వతాలపై కుటుంబంతో కలసి ఎంజాయ్ చేస్తున్నాడు. ఈ మేరకు ఉపాసన, చరణ్‌ కొన్ని ఫొటోలను సోషల్‌ మీడియాలో షేర్‌ చేస్తున్నారు. దీంతో అభిమానులు ఆనందపడుతున్నారు.

Click Here To Watch Now

రామ్‌చరణ్‌ను తనను రెండేళ్ల తర్వాత వెకేషన్‌కి తీసుకెళ్తున్నాడు అంటూ ఈ మధ్య ఉపాసన ఓ పోస్టు పెట్టారు. ‘ఆర్‌ఆర్‌ఆర్‌’ , ‘ఆచార్య’ సినిమాలతో రామ్‌చరణ్‌ ఇటీవల చాలా బిజీగా మారిపోయాడు. వరుస చిత్రీకరణలు ఉండటం, మరోవైపు కరోనా పరిస్థితుల కారణంగా వెకేషన్‌కి వెళ్లలేదు. అయితే ‘ఆర్‌ఆర్‌ఆర్‌’ రిలీజ్‌ ప్రమోషన్స్‌ వల్ల ఆలస్యం అవుతుందేమో అనుకుని భార్యతో కలసి వెకేషన్‌కు వెళ్లిపోయాడు. ఆ ఫొటోలే షేర్‌ చేస్తున్నాడు ఇప్పుడు. ఇక ఈ ఫొటోల్లో మరో ఆసక్తికర విషయం… రామ్‌చరణ్‌ లుక్‌.

‘ఆర్‌ఆర్‌ఆర్‌’ కోసం ఓ రకమైన లుక్‌లో ఇన్నాళ్లూ కనిపించిన చరణ్‌… ఇప్పుడు సరికొత్తగా ఉన్నాడు. ఈ లుక్‌ శంకర్‌ సినిమా కోసమే అని ప్రత్యేకంగా చెప్పక్కర్లేదు. త్వరలోనే ట్రిప్ ముగించుకొని హైదరాబాద్ చేరుకోనున్నాడు రామ్‌చరణ్‌. వచ్చిన వెంటనే ‘ఆర్‌ఆర్‌ఆర్‌’ ప్రమోషన్స్‌ పాల్గొంటాడు. ఆ తర్వాత శంకర్‌ సినిమా షూటింగ్ ని మొదలుపెడతాడని సమాచారం. ఈ షెడ్యూల్‌ తక్కువ రోజులే ఉంటుంది. ఆ తర్వాత ‘ఆచార్య’ సినిమా ప్రచారం మొదలవుతుంది.

ఇక రామ్‌చరణ్‌ సినిమాల సంగతి చూస్తే… శంకర్‌ – దిల్‌ రాజు సినిమా వచ్చే సంక్రాంతికి విడుదల చేస్తారని సమాచారం. దీని తర్వాత యూవీ క్రియేషన్స్‌ – గౌతమ్‌ తిన్ననూరి సినిమా ప్రారంభించాలని అనుకుంటున్నారు. చాలా రోజులుగా ఈ సినిమా చర్చల్లో ఉండి, ఇటీవల ఓకే అయ్యింది. దీని తర్వాత ప్రశాంత్‌ నీల్‌ సినిమా ఉంటుందని టాక్‌. ఈ లెక్కన చరణ్‌ వరుస సినిమాలతో బిజీగా ఉండనున్నాడు. అందుకే ఇప్పుడు ట్రిప్‌ వేశాడు అన్నమాట.