చరణ్ శంకర్ కాంబో మూవీ భారీ బడ్జెట్ తో తెరకెక్కుతుండగా దిల్ రాజు ఈ సినిమాకు సంబంధించి ఎలాంటి అప్ డేట్స్ ఇవ్వడం లేదు. సినిమా రిలీజ్ డేట్ మారడం వల్లే ఈ సినిమాకు సంబంధించిన అప్ డేట్స్ రావడం లేదని ప్రచారం జరుగుతోంది. అయితే ఈ సినిమా క్లైమాక్స్ సీన్ కు సంబంధించి ఒక విషయం సోషల్ మీడియాలో వైరల్ అవుతుండగా ఆ విషయం ప్రస్తుతం హాట్ టాపిక్ అవుతోంది.
భారీ యాక్షన్ సీన్ తో శంకర్ ఈ క్లైమాక్స్ సీన్ ను ప్లాన్ చేశారని ఇండస్ట్రీ వర్గాల్లో వినిపిస్తోంది. విదేశాలకు చెందిన ఫైట్ మాస్టర్లతో చరణ్ పాత్ర తలపడేలా ఈ ఫైట్ ను డిజైన్ చేశారని బోగట్టా. 20 నిమిషాల పాటు ఉండే ఈ ఫైట్ సీన్ నెక్స్ట్ లెవెల్ లో ఉండనుందని ఇండస్ట్రీ వర్గాల సమాచారం. ఈ ఫైట్ కొత్తగా ఉండేలా శంకర్ ప్లాన్ చేశారని ఇండస్ట్రీ వర్గాల్లో వినిపిస్తోంది. ఈ ఫైట్ సీన్ కోసం భారీ రేంజ్ లో మేకర్స్ ఖర్చు చేస్తున్నారని తెలుస్తోంది.
చరణ్ కు జోడీగా కియారా అద్వానీ, అంజలి ఈ సినిమాలో నటిస్తున్నారు. రామ్ చరణ్ ఈ సినిమాలో డ్యూయల్ రోల్ లో కనిపించనున్నారు. నాయక్ సినిమాలో డ్యూయల్ రోల్ లో కనిపించి ప్రేక్షకుల ప్రశంసలు అందుకున్న రామ్ చరణ్ ఈ సినిమాతో మరో పాన్ ఇండియా బ్లాక్ బస్టర్ హిట్ ను ఖాతాలో వేసుకోవాలని అనుకుంటున్నారు. 300 కోట్ల రూపాయల బడ్జెట్ తో ఈ సినిమా తెరకెక్కుతోంది.
త్వరలో ఈ సినిమాకు సంబంధించి ఆసక్తికర అప్ డేట్ వచ్చే ఛాన్స్ ఉందని ఇండస్ట్రీలో వినిపిస్తోంది. చరణ్ తాజా ఇంటర్వ్యూలో మాట్లాడుతూ శంకర్ సినిమా నుంచి తన ఫస్ట్ లుక్ కోసం ఆసక్తిగా ఎదురుచూస్తున్నానని చెప్పుకొచ్చారు. చరణ్ రేంజ్ ను ఈ సినిమా కచ్చితంగా పెంచుతుందని ఫ్యాన్స్ భావిస్తుండటం గమనార్హం.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
