Ram Pothineni, Boyapati: రామ్ – బోయపాటి.. సినిమా నెల రోజుల ముందే థియేటర్లలోకి..!

టాలీవుడ్ ఊర మాస్ డైరెక్టర్ బోయపాటి శ్రీను ప్రస్తుతం రామ్ తో ఓ సినిమా చేస్తున్న సంగతి తెలిసిందే. శ్రీలీల హీరోయిన్ గా నటిస్తున్న ఈ చిత్రానికి టైటిల్ ఇంకా ఫిక్స్ చేయలేదు. ‘స్కంధ’ అనే టైటిల్ పరిశీలనలో ఉన్నట్లు టాక్ వినిపిస్తోంది. ఇదిలా ఉండగా.. ఈ మధ్యనే గ్లింప్స్ ను విడుదల చేశారు. దానికి మంచి స్పందన లభించింది. బోయపాటి స్టైల్లోనే భారీ యాక్షన్ సీక్వెన్స్ లతో ఆ గ్లింప్స్ సాగింది.

ఇక తెలుగుతో పాటు తమిళ, మలయాళ, కన్నడ, హిందీ భాషల్లో ఈ మూవీ ఏకకాలంలో విడుదల కానుంది. రామ్ సినిమాల హిందీ డబ్బింగ్ వెర్షన్లకి యూట్యూబ్ లో వందల కొద్దీ మిలియన్ల వ్యూస్ నమోదవుతూ ఉంటాయి. కాబట్టి.. నార్త్ లో కూడా ఈ చిత్రాన్ని భారీగా రిలీజ్ చేయాలని నిర్మాత శ్రీనివాస చిట్టూరి భావిస్తున్నారు. మొదట దసరా బరిలో అంటే అక్టోబర్ 20 న ఈ చిత్రాన్ని విడుదల చేయబోతున్నట్టు ప్రచారం జరిగింది.

మేకర్స్ కూడా ఆ డేట్ ను కన్ఫర్మ్ చేస్తూ ఓ పోస్టర్ ను వదిలారు. కానీ ఇప్పుడు నెల రోజులకి ముందే ఈ చిత్రాన్ని ప్రేక్షకుల ముందుకు తీసుకురాబోతున్నట్టు ఓ పోస్టర్ ద్వారా కన్ఫర్మ్ చేశారు. సెప్టెంబర్ 15 న ఈ చిత్రాన్ని విడుదల కాబోతున్నట్లు పోస్టర్లో ఉంది. అంటే వినాయక చవితికి నాలుగు రోజుల ముందే ఈ చిత్రం రిలీజ్ కాబోతుందన్న మాట.

ఈ సినిమా ఎప్పుడు రిలీజ్ అయినా ఓపెనింగ్స్ భారీగా నమోదవుతాయి. అందులో డౌటే లేదు. ఇప్పుడు వినాయక చవితి హాలిడే అడ్వాంటేజ్ కూడా ఉంది కాబట్టి.. ఆ నాలుగు రోజుల్లోనే ఈ సినిమా బ్రేక్ ఈవెన్ కంప్లీట్ అయ్యే అవకాశాలు కూడా పుష్కలంగా కనిపిస్తున్నాయి.

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్