‘మీకు గుడ్ గై తో బోర్ కొడితే ఈ బ్యాడ్ గై ని కలవండి’

తాజాగా ‘హలో గురు ప్రేమ కోసమే’ చిత్రంతో హిట్టు కొట్టి ఫామ్లోకి వచ్చాడు రామ్. ఈ నేపథ్యంలో రామ్ తరువాత చేయబోయే చిత్రం పై అందరి దృష్టి పడింది. ‘పీ.ఎస్.వీ గరుడ వేగ’ ప్రవీణ్ సత్తారు డైరెక్షన్లో ఒక చిత్రం మొదలైన సంగతి తెలిసిందే. అయితే కొన్ని కారణాల వలన ఆ ప్రాజెక్ట్ ఆగిపోయింది. ఇక రామ్ డ్యాషింగ్ డైరెక్టర్ పూరి జగన్నాథ్‌ డైరెక్షన్లో నటించబోతున్నాడని గతంలో వార్తలు వచ్చిన సంగతి తెలిసిందే. ఇప్పుడు ఆ వార్తల పై రామ్ క్లారిటీ ఇచ్చాడు.

ఇక పూరి జగన్నాథ్‌ డైరెక్షన్లో తన నెక్స్ట్ సినిమా చేయబోతున్నట్టు ఎనర్జిటిక్ స్టార్ రామ్ తన ట్విట్టర్ ద్వారా వెల్లడించాడు. ఈ చిత్రాన్ని పూరి జగన్నాధ్ , ఛార్మి కలిసి నిర్మించబోతున్నారట. ఇది రామ్ కు 17 వ చిత్రం కావడం విశేషం. పూరి కనెక్ట్స్ బ్యానర్‌ పై లావణ్య ఈ చిత్రానికి సమర్పకులుగా వ్యవహరిస్తున్నారు. ఈ చిత్రం కోసం రామ్ కొత్త లుక్ ట్రై చేస్తున్నాడట. ఈ చిత్రంలో రామ్ చాలా స్టైలిష్ మరియు డైనమిక్ గా కనిపించబోతున్నాడట. జనవరి నుండీ ఈ చిత్రం రెగ్యులర్ షూటింగ్ మొదలుకానుంది. సెరవేగంగా సినిమాను తెరకెక్కించడంలో పూరి ఎక్స్పర్ట్ అని ప్రత్యేకంగా చెప్పనక్కర్లేదు. సినిమా మొదలు పెడుతున్నప్పుడే విడుదల తేదీని ప్రకటించేస్తాడు. ఈ చిత్రాన్ని కూడా 2019 మే సమ్మర్ కానుకగా విడుదల చేయబోతున్నట్టు అనౌన్స్ చేసేసాడు. ఈ చిత్రం పై రామ్ ట్వీట్ చేస్తూ… “మీకు ఎప్పుడైనా గుడ్ గైస్‌తో ఆట బోర్ అనిపిస్తే అప్పుడు ఈ బ్యాడ్ గై ని కలవండి. మొత్తానికి నాకు చాలా ఇష్టమైన పూరి గారితో పనిచేస్తున్నా ” అంటూ పేర్కొన్నాడు.