Shankar: సౌత్ రీమేక్ లో రణవీర్ సింగ్!

April 14, 2021 / 02:50 PM ISTByFilmy Focus

Join Us

సౌత్ ఇండస్ట్రీలో అగ్ర దర్శకుడిగా గుర్తింపు తెచ్చుకున్న శంకర్ ఇప్పుడు బాలీవుడ్ లో ఓ సినిమా రూపొందించబోతున్నట్లుగా ప్రకటించారు. దాదాపు పదిహేనేళ్ల కృత విడుదలై భారీ విజయాన్ని అందుకున్న ‘అపరిచితుడు’ సినిమాను శంకర్ ఇప్పుడు హిందీలో రీమేక్ చేయనున్నారు. ఈ సినిమాలో రణవీర్ సింగ్ హీరోగా నటించనున్నారు. ఈ విషయాన్ని సోషల్ మీడియా వేదికగా ప్రకటించారు. సౌత్ లో ‘అపరిచితుడు’ సినిమా ఎంత పెద్ద సెన్సేషన్ క్రియేట్ చేసిందో ప్రత్యేకంగా చెప్పనక్కర్లేదు. అయితే అప్పట్లోనే ఈ సినిమాను హిందీ వెర్షన్ లో కూడా విడుదల చేశారు.

హిందీ కోసం కొన్ని సీన్లను ప్రత్యేకంగా చిత్రీకరించి.. అక్కడ విడుదల చేసినట్లున్నారు. అలాంటిది ఇప్పుడు రణవీర్ సింగ్ హీరోగా ఆ సినిమాను శంకర్ సరికొత్తగా ఎలా రూపొందిస్తారో చూడాలి. పైగా పాన్ ఇండియా లెవెల్ లో సినిమాను తీయాలనుకుంటున్నారు. ఆల్రెడీ సౌత్ లో సక్సెస్ అయిన కథను మళ్లీ పాన్ ఇండియా సినిమాగా తెరకెక్కించాలని ప్లాన్ చేస్తోన్న శంకర్ కి ఈ ప్రాజెక్ట్ ఎంతవరకు వర్కవుట్ అవుతుందో చూడాలి.

ఈ సినిమాను పెన్ స్టూడియోస్ బ్యానర్ పై నిర్మిస్తున్నారు. ఇదిలా ఉండగా.. ప్రస్తుతం శంకర్ చేతిలో ‘ఇండియన్ 2’ సినిమా ఉంది. ఈ సినిమా మళ్లీ ఎప్పుడు సెట్స్ పైకి వెళ్తుందో తెలియని పరిస్థితి. అలానే రామ్ చరణ్ హీరో సినిమా చేయబోతున్నట్లు శంకర్ అనౌన్స్ చేశారు. ఇదే సమయంలో ‘అపరిచితుడు’ రీమేక్ అనౌన్స్ చేయడంతో.. ఏది ముందుగా పట్టాలెక్కుతుందోనని అభిమానులు ఎదురుచూస్తున్నారు!

In this moment, no one will be happier than me, bringing back the larger than life cinematic experience with @RanveerOfficial in the official adaptation of cult blockbuster Anniyan.@jayantilalgada @PenMovies pic.twitter.com/KyFFTkWGSL

— Shankar Shanmugham (@shankarshanmugh) April 14, 2021