Shekar Glimpse: మర్డర్ మిస్టరీగా ‘శేఖర్’ గ్లిమ్ప్స్..లుక్ తో ఆకట్టుకుంటున్న రాజశేఖర్..!

ప్రవీణ్ సత్తారు డైరెక్షన్లో వచ్చిన ‘గ‌రుడ‌వేగ‌’ చిత్రంతో మళ్ళీ ఫామ్లోకి వచ్చాడు మన యాంగ్రీ స్టార్ రాజశేఖర్. అటు తర్వాత ‘కల్కి’ తో కూడా పర్వలేదు అనిపించినా బాక్సాఫీస్ వద్ద ఆ చిత్రం మంచి ఫలితాన్ని అందుకోలేకపోయింది. అయినప్పటికీ రాజశేఖర్ జోరు తగ్గలేదు. లేట్ అయినా మంచి మంచి స్క్రిప్ట్ లనే ఎంపిక చేసుకుంటున్నాడు.మరీ ముఖ్యంగా తన వయసుకి తగ్గ పాత్రల్ని ఎంపిక చేసుకుంటున్నాడు.త్వరలో రాజశేఖర్… `శేఖ‌ర్‌` ప్రేక్షకుల ముందుకు రానున్నాడు.

2018లో మలయాళంలో సూపర్ హిట్ అయిన ‘జోసెఫ్’ కు ఇది రీమేక్‌.మొదట లలిత్ ఈ చిత్రానికి దర్శకత్వం వహిస్తున్నట్టు ప్రకటించినా ఇప్పుడు జీవిత రాజ‌శేఖ‌ర్ దర్శకత్వం వహించినట్టు పేరు ఉంది. ఈ విషయాలను పక్కనపెట్టేస్తే కొద్దిసేపటి క్రితం ‘శేఖ‌ర్’ మూవీ గ్లిమ్స్ ను విడుద‌ల చేశారు. అందులో పూర్తిగా నెరిసిన గడ్డం, జుట్టుతో రాజశేఖర్.. కనిపిస్తున్నాడు. అర‌కు శివార్ల‌లోని ఓ తోటలో ఉన్న బంగ్లాలో జరిగిన వృద్ధ దంప‌తుల హ‌త్య నేపథ్యంలో ఈ సినిమా కథ సాగుతుందని ఈ గ్లిమ్ప్స్ ద్వారా స్పష్టంచేశారు.

అనూప్ రూబెన్స్ అందించిన నేపధ్య సంగీతం బాగుంది.ఇటీవల క్రైమ్ తో కూడుకున్న కథాంశంతో తెరకెక్కిన మిస్టరీ థ్రిల్లర్లకి మంచి డిమాండ్ ఉంది. పైగా ఈ సినిమా మలయాళంలో హిట్టు కాబట్టి.. ఇక్కడ కూడా వర్కౌట్ అయ్యే అవకాశాలు ఉన్నాయి. గ్లిమ్ప్స్ అయితే బాగానే ఉంది. మీరు కూడా ఓ లుక్కేయండి :

నాగ చైతన్య రిజెక్ట్ చేసిన 10 సినిమాల్లో 3 బ్లాక్ బస్టర్లు…!

టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?