Kalki 2898 AD: కల్కి సినిమాలో కమల్ నటించకపోతే ఆ ప్రముఖ నటుడికి ఛాన్స్ దక్కేదా?

కల్కి 2898 ఏడీ (Kalki 2898 AD) సినిమా ఏ స్థాయిలో హిట్ గా నిలిచిందో ప్రత్యేకంగా చెప్పాల్సిన అవసరం లేదు. ఈ సినిమాలో నటించిన ప్రతి ఒక్కరూ తమ పాత్రకు పూర్తిస్థాయిలో న్యాయం చేశారు. ప్రధానంగా ఈ సినిమాలో నటించిన ప్రభాస్ (Prabhas) , కమల్ హాసన్ (Kamal Haasan), అమితాబ్(Amitabh Bachchan) , దీపిక (Deepika Padukone)  తమ అద్భుతమైన నటనతో సినిమా స్థాయిని పెంచేశారు. అయితే యాస్కిన్ రోల్ కు ఒకవేళ కమల్ నో చెప్పి ఉంటే ఆ పాత్రలో మోహన్ లాల్ (Mohan Lal) నటించేవారట.

కల్కి 2898 ఏడీ సినిమాలో భాగమైన సినిమా యూనిట్ కు చెందిన ఒక ఆర్టిస్ట్ ఈ విషయాలను వెల్లడించారు. కల్కి సినిమాలో యాస్కిన్ రోల్ కోసం మొదట కమల్ హాసన్ ను సంప్రదించగా ఆయన సమయం కావాలని చెప్పారని ఒకవేళ కమల్ నో చెబితే ఆ పాత్రకు మోహన్ లాల్ ను సంప్రదించాలని అనుకున్నామని ఆ ఆర్టిస్ట్ పేర్కొన్నారు. చివరి క్షణంలో కమల్ ఈ సినిమాకు ఓకే చెప్పడంతో చిత్ర బృందం కూడా కమల్ కు ఓటేసిందని ఆ ఆర్టిస్ట్ అన్నారు.

కల్కి సినిమాలో కమల్ హాసన్ విలన్ గా నటించడంతో ఈ సినిమాపై అంచనాలు మరింత పెరిగాయని ఆ ఆర్టిస్ట్ వెల్లడించారు. మరోవైపు కల్కి1 సక్సెస్ సాధించిన నేపథ్యంలో కల్కి సీక్వెల్ ను మరింత గ్రాండ్ గా తెరకెక్కించాల్సిన బాధ్యత నాగ్ అశ్విన్ పై ఉంది. ఈ సినిమా కోసం నాగ్ అశ్విన్ (Nag Ashwin) మరిన్ని ప్రపంచాలను క్రియేట్ చేయనున్నారని ఇండస్ట్రీ వర్గాల్లో వినిపిస్తోంది.

కల్కి 2898 ఏడీ సినిమా కథ, కథనం మాత్రం అద్భుతం అని చెప్పవచ్చు. నాగ్ అశ్విన్ ప్రేక్షకులను మరో ప్రపంచంలోకి ప్రేక్షకులను తీసుకెళ్లారని చెప్పడంలో సందేహం అక్కర్లేదు. కల్కి సినిమాలో గెస్ట్ రోల్స్ లో నటించిన నటులు సైతం తమ పాత్రలకు పూర్తిస్థాయిలో న్యాయం చేసి ప్రశంసలు అందుకున్నారు. ప్రభాస్ మాత్రం ఈ సినిమా రిజల్ట్ తో పూర్తిస్థాయిలో సంతృప్తితో ఉన్నారు.