రీసెంట్ మూవీస్ TRP.. శాటిలైట్ మార్కెట్ మరీ దారుణం!

టాలీవుడ్ (Tollywood) స్టార్ హీరోల సినిమాలు ఇటీవల బాక్సాఫీస్ వద్ద రికార్డులు సృష్టించినప్పటికీ, టీవీలో ప్రసారమైనప్పుడు రేటింగ్స్ (టీఆర్‌పీ)లో మాత్రం తీవ్ర నిరాశను కలిగిస్తున్నాయి. అల్లు అర్జున్ (Allu Arjun) ‘పుష్ప 2: ది రూల్’ (Pushpa 2) రూ.1800 కోట్ల గ్రాస్‌తో భారీ విజయం సాధించినా, టీవీలో కేవలం 12.61 టీఆర్‌పీ మాత్రమే వచ్చింది. రీసెంట్ గా రామ్ చరణ్ (Ram Charan) ‘గేమ్ ఛేంజర్’ (Game changer) 5.02, ప్రభాస్ (Prabhas) ‘కల్కి 2898 ఏడీ’ (Kalki 2898 AD) 5.26 టీఆర్‌పీతో నిరాశపరిచాయి. ఈ రేటింగ్స్ టీవీ శాటిలైట్ మార్కెట్‌లో ఓటీటీ ఎఫెక్ట్‌ను స్పష్టం చేస్తున్నాయి.

Tollywood

ఒకప్పుడు టీవీలో స్టార్ హీరోల సినిమాలు 15-20 టీఆర్‌పీ రేంజ్‌లో రేటింగ్స్ తెచ్చేవి. ‘సరిలేరు నీకెవ్వరు’ (Sarileru Neekevvaru) 22.7, ‘అల వైకుంఠపురములో’ (Ala Vaikunthapurramuloo) 29.4 టీఆర్‌పీ సాధించిన రోజులు ఉన్నాయి. కానీ, ఇప్పుడు సినిమాలు బాక్సాఫీస్ వద్ద ఎంత పెద్ద హిట్ అయినా టీవీలో 10 టీఆర్‌పీ దాటడం కష్టంగా మారింది. మహేష్ బాబు (Mahesh Babu) ‘గుంటూరు కారం’ (Guntur Kaaram) 9.23, ప్రభాస్ ‘సలార్’ (Salaar) 6.5 టీఆర్‌పీ సాధించాయి, ఇవి కూడా గత రికార్డులతో పోలిస్తే చాలా తక్కువ.

ఈ మార్పుకు కారణం ఓటీటీ ప్లాట్‌ఫామ్స్ విస్తరణ. ఇప్పుడు ప్రేక్షకులు సినిమాలను థియేటర్ లేదా ఓటీటీలోనే చూస్తున్నారు. టీవీలో ప్రసారాల సమయంలో యాడ్స్, సమయ పరిమితులు వంటి అడ్డంకులు ఉండటం వల్ల, ఓటీటీలో ఎప్పుడైనా, యాడ్-ఫ్రీగా చూసే సౌలభ్యం వైపు ప్రేక్షకులు మొగ్గు చూపుతున్నారు. దీంతో టీవీ శాటిలైట్ రైట్స్‌కు డిమాండ్ గణనీయంగా తగ్గిపోతోంది.

ఈ ట్రెండ్ టీవీ ఛానళ్లకు కూడా సవాలుగా మారింది. ఒకప్పుడు శాటిలైట్ రైట్స్ కోసం భారీ మొత్తాలు పెట్టుబడి పెట్టిన ఛానళ్లు, ఇప్పుడు వ్యూయర్‌షిప్ తగ్గడంతో ఆ రిస్క్ తీసుకోవడం మానేస్తున్నాయి. ‘గేమ్ ఛేంజర్’ లాంటి సినిమా బాక్సాఫీస్ వద్ద ఆశించిన విజయం సాధించకపోయినా, టీవీలో కనీసం 10 టీఆర్‌పీ వస్తుందని భావించారు, కానీ అది కూడా రాలేదు. ఈ పరిస్థితి భవిష్యత్తులో మరింత తీవ్రమవుతుందని ట్రేడ్ నిపుణులు అంటున్నారు.

అత్తరు సాయిబు టైటిల్ తో మంచు హీరో!