ప్రభాస్ (Prabhas) నెక్స్ట్ మూవీ ‘ది రాజా సాబ్’ (The Raja saab) పై ప్రస్తుతానికి పెద్దగా అంచనాలు అయితే లేవు. ఎందుకంటే దర్శకుడు మారుతి (Maruthi Dasari) ఫామ్లో లేడు. అలాగే ‘పీపుల్ మీడియా సంస్థ’ కి గత రెండేళ్లలో ఒక్క హిట్టు కూడా పడలేదు. మరోపక్క 3 ఏళ్ళు అవుతున్నా ఈ సినిమా షూటింగ్ ఇంకా కంప్లీట్ కాలేదు. డిసెంబర్ 5న రిలీజ్ అని ప్రకటించారు. కానీ తర్వాత సంక్రాంతికి వాయిదా వేసినా ఆశ్చర్యపోనవసరం లేదు అనే టాక్ కూడా వినిపిస్తోంది.
సరే ఈ విషయాలు పక్కన పెట్టేస్తే.. ‘ది రాజా సాబ్’ షూటింగ్ పార్ట్ ఎంత వరకు కంప్లీట్ అయ్యింది అనే విషయంపై చాలా మందికి క్లారిటీ లేదు. అందుతున్న సమాచారం ప్రకారం.. ‘ది రాజా సాబ్’ షూటింగ్లో భాగంగా టాకీ పూర్తి దాదాపు పూర్తయ్యిందట. పాటలు చిత్రీకరణ మిగిలి ఉంది. బడ్జెట్ అయితే కంట్రోల్లోనే ఉందట. ఎక్కడా కూడా అనవసరమైన షూట్లు చేయలేదు.
కానీ ఇప్పటివరకు వచ్చిన ఫుటేజీ 3 గంటల 30 నిమిషాల వరకు ఉంటుందట. పాటలకి గాను మరో 16 నిమిషాల వరకు పెరగొచ్చు. మొత్తంగా 3 గంటల 45 లేదా 3 గంటల 50 నిమిషాల వరకు ఫుటేజీ రావచ్చు. సో ట్రిమ్మింగ్ అవసరం. పెద్ద సినిమాకి.. అందులోనూ పాన్ ఇండియా సినిమాకి ఇలా 4 గంటల లోపు ఫుటేజీ రావడం.. కొంతవరకు ఇబ్బంది లేని వ్యవహారమే.
అదే ‘గేమ్ ఛేంజర్’ (Game Changer) వంటి సినిమాల్లా 7 గంటల వరకు ఫుటేజీ తెస్తే.. నిర్మాత పైనే కాకుండా ఎడిటర్ పై కూడా పెద్ద భారం పెట్టినట్లు అవుతుంది. ఇక బడ్జెట్ విషయంలో కూడా ‘పీపుల్ మీడియా’ వారు ఈ ప్రాజెక్టు వరకు హద్దులు దాటకుండా అయితే చూసుకున్నారు అని స్పష్టమవుతుంది.
Home