‘యానిమల్’ తో (Animal) రాత్రికి రాత్రే ఫేమస్ అయిపోయిన త్రిప్తి డిమ్రి (Tripti Dimri) ఇప్పుడు జాక్పాట్ కొట్టిన సంగతి తెలిసిందే. ఏకంగా ప్రభాస్ (Prabhas) సరసన ‘స్పిరిట్’ లో (Spirit) హీరోయిన్గా ఛాన్స్ కొట్టేసింది. ఈ సినిమాకు డైరెక్టర్ ‘అర్జున్ రెడ్డి’ (Arjun Reddy) ఫేమ్ సందీప్ రెడ్డి వంగ (Sandeep Reddy Vanga). ఆయనే స్వయంగా సోషల్ మీడియాలో ఈ న్యూస్ చెప్పడం జరిగింది.దీపికా పదుకొణె (Deepika Padukone) ఈ ప్రాజెక్టు నుంచి తప్పుకుందని వార్తలు వచ్చాక త్రిప్తి పేరు అనౌన్స్ చేశాడు సందీప్. ఇప్పుడు త్రిప్తి అయితే ఫుల్ ఖుషీలో ఉంది.
శనివారం ‘స్పిరిట్’ టైటిల్ పోస్టర్ను రకరకాల భాషల్లో షేర్ చేస్తూ, ఎమోషనల్ అయిపోయింది. ‘ఇంకా నమ్మలేకపోతున్నాను… ఈ ప్రయాణంలో నా మీద నమ్మకం ఉంచినందుకు చాలా థ్యాంక్స్. సందీప్ రెడ్డి వంగకి స్పెషల్ థాంక్స్… మీ సినిమాలో భాగం కావడం నాకు దక్కిన గౌరవం’ అంటూ పేర్కొంది. ఇక ఆమె రెమ్యూనరేషన్ విషయానికి వస్తే, ఈ సినిమా కోసం త్రిప్తికి అక్షరాలా 4 కోట్ల పారితోషికం ఆఫర్ చేశారట.
‘యానిమల్’ సినిమాకు త్రిప్తి అందుకుంది 50 లక్షలే. ఇప్పుడు ఆల్మోస్ట్ 10 రెట్లు పెరిగిపోయింది తన రేంజ్. దీన్ని బట్టే అర్థం చేసుకోవచ్చు, ‘యానిమల్’ తర్వాత ఆమె మార్కెట్ ఎంతలా పెరిగిపోయిందో.ఇక దీపిక ఎందుకు తప్పుకుందంటే రెమ్యునరేషన్, కాల్షీట్ల విషయంలో తేడాలు వచ్చాయనేది అందరికీ తెలిసిన సంగతే.
ఆమె ఏకంగా 20 కోట్లకు పైగా డిమాండ్ చేసిందట. అలాగే లాభాల్లో వాటా కూడా అడిగింది. పైగా తల్లి అయింది కాబట్టి… అందుకే తక్కువ గంటలే పనిచేస్తానని కండిషన్ పెట్టిందట. కానీ, ఈ షరతులు వంగ వర్కింగ్ స్టైల్కి, సినిమా ఆలోచనలకు సెట్ అవ్వలేదట. అందుకే త్రిప్తిని అతను ఫైనల్ చేయడం జరిగింది.
