Vishal, Sai Dhanshika Marriage: రూమర్స్‌ నిజం.. విశాల్‌ – ధన్సిక పెళ్లి ఖరారు.. ఆ భవనం అయ్యాకే పెళ్లి!

కోలీవుడ్‌ కథానాయకుడు విశాల్‌ (Vishal ) పెళ్లి గురించి వచ్చినన్ని పుకార్లు, ఇంకే హీరో గురించి కూడా వచ్చి ఉండవేమో. ప్రతి నెలా ఓ కొత్త పుకారు షికారు చేస్తుండేది. అలా నిన్న ఉదయం నుండి ఓ పుకారు మొదలైంది. అదే విశాల్‌, నటి సాయి ధన్సిక (Sai Dhanshika)  వివాహం చేసుకోబోతున్నారని కోలీవుడ్‌లో పెద్ద ఎత్తున ప్రచారం జరిగింది. విశాల్‌ గురించి గత పుకార్ల అనుభవం ఉన్న వాళ్లు ఇది కూడా అలాంటిదేమో అని వదిలేశారు. అయితే అనూహ్యంగా సోమవారం సాయంత్రం పెళ్లి విషయాన్ని అధికారికంగా ప్రకటించేశారు.

Vishal, Sai Dhanshika Marriage:

దీంతో షాక్‌ తిన్నారు అంతా. ధన్సిక నటించిన ‘యోగీ దా’ సినిమా ఆడియో, ట్రైలర్‌ లాంచ్‌ ఈవెంట్‌ సోమవారం చెన్నైలో నిర్వహించారు. ఆ ఈవెంట్‌లో విశాల్‌, సాయి ధన్సిక పాల్గొన్నారు. ఈ క్రమంలో ఉదయం నుండి వస్తున్న పుకార్లను నిజం చేస్తూ క్లారిటీ ఇచ్చేశారు. తాము పెళ్లి చేసుకోనున్నట్టు విశాల్‌, సాయి ధన్సిక వేదిక మీదే అధికారికంగా ప్రకటించారు. అంతేకాదు పెళ్లి తేదీని కూడా ప్రకటించేశారు. తమ వివాహం ఆగస్టు 29న జరుగుతుందని తెలిపారు.

ఆ రోజు విశాల్‌ పుట్టిన రోజు కావడం గమనార్హం. అంటే స్పెషల్‌ నాడు పెళ్లి చేసుకోబోతున్నారు. సాయి ధన్సికతో కలిసి అద్భుతమైన జీవితాన్ని ప్రారంభించబోతున్నాను అని విశాల్‌ చెప్పగా.. కొంతకాలం క్రితం మా మధ్య పరిచయం మొదలైంది, అది ప్రేమగా మారింది. విశాల్‌ ఎప్పుడూ ఆనందంగా ఉండాలని కోరుకుంటున్నా అని ధన్సిక చెప్పింది.

ఇక పెళ్లి తర్వాత కూడా ధన్సిక నటిస్తుంది అని విశాల్‌ (Vishal) చెప్పాడు. ‘నడిగర్‌ సంఘం’ భవన నిర్మాణం పూర్తయ్యాకే పెళ్లి చేసుకుంటానని విశాల్‌ గతంలో ప్రకటించారు. ఇటీవల ఆ బిల్డింగ్‌ పూర్తయిన విషయం తెలిసిందే. రజనీకాంత్‌ ‘కబాలి’లో కీలక పాత్ర పోషించిన ధన్సిక… ‘షికారు’ (Shikaaru), ‘అంతిమ తీర్పు’, ‘దక్షిణ’ తదితర చిత్రాల్లో హీరోయిన్‌గా నటించింది.

యుద్ధభూమిలో హృతిక్ ను వేటాడుతున్న ఎన్టీఆర్..!

#Vishal #SaiDhansika pic.twitter.com/FiOIM78Y0d

— Filmy Focus (@FilmyFocus) May 19, 2025