Parasuram,Prabhas: పరశురామ్ కి ప్రభాస్ ఛాన్స్ ఇస్తాడా..?

‘గీత గోవిందం’ సినిమాతో భారీ క్రేజ్ ను సంపాదించుకున్న దర్శకుడు పరశురామ్.. ‘సర్కారు వారి పాట’తో టాప్ లీగ్ లోకి చేరిపోయారు. మహేష్ బాబు నటించిన ఈ సినిమా ఇటీవలే ప్రేక్షకుల ముందుకు వచ్చింది. దీనికి ప్రేక్షకుల నుంచి మంచి రెస్పాన్స్ వస్తోంది. కలెక్షన్స్ పరంగా ఈ సినిమా దూసుకుపోతుంది. ఈ సినిమా హిట్ తో ఉత్సాహంలో ఉన్న దర్శకుడు పరశురామ్ ఇప్పుడు ప్రభాస్ పై ఫోకస్ పెట్టినట్లు తెలుస్తోంది.

ప్రభాస్ ను దృష్టిలో పెట్టుకొని ఓ కథ రాయడానికి రెడీ అవుతున్నారు పరశురామ్. ఎప్పటినుంచో తన మనసులో ఉన్న పాయింట్ ను ప్రభాస్ మేనరిజమ్స్, ఇమేజ్ కి తగ్గట్లుగా మార్చాలని అనుకుంటున్నారు. ప్రస్తుతం పరశురామ్.. నాగచైతన్య హీరోగా ఓ సినిమా చేయడానికి రెడీ అవుతున్నారు. దానికంటే ముందుగానే ప్రభాస్ కి స్టోరీ లైన్ వినిపించాలని అనుకుంటున్నారట. ఒకవేళ ప్రభాస్ గనుక ఓకే చెబితే పూర్తిస్థాయిలో వర్క్ మొదలుపెట్టాలనేది పరశురామ్ ఆలోచన.

ఒకవేళ ప్రభాస్ తోనే సినిమా చేయాలనీ పరశురామ్ నిర్ణయించుకుంటే గనుక అతడి కోసం చాలా ఏళ్లు ఎదురుచూడక తప్పదు. ఎందుకంటే ప్రభాస్ చేతిలో చాలా సినిమాలు ఉన్నాయి. ఇప్పటికే ‘ఆదిపురుష్’ను పూర్తి చేశాడు. ఇక ‘ప్రాజెక్ట్ K’, ‘సలార్’లను పూర్తి చేయాలి. ఆ తరువాత సందీప్ రెడ్డి వంగ, మారుతి ఇలా చాలా మంది దర్శకులు లైన్ లో ఉన్నారు. ఈ కమిట్మెంట్స్ అన్నీ పూర్తయితే కానీ పరశురామ్ కి డేట్స్ ఇవ్వలేరు ప్రభాస్.

అలా చూసుకుంటే పరశురామ్ ఈ గ్యాప్ లో రెండు, మూడు సినిమాలు తీసేయొచ్చు. ప్రస్తుతానికైతే ‘సర్కారు వారి పాట’ సక్సెస్ ను ఎంజాయ్ చేస్తున్నారు పరశురామ్. త్వరలోనే నాగచైతన్యతో కలిసి సెట్స్ పైకి వెళ్లబోతున్నారు.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!

Share.