‘ఆర్ఆర్ఆర్’ (RRR) సినిమా తర్వాత రామ్‌చరణ్‌ (Ram Charan) నుండి వెంటనే ఓ సినిమా వచ్చింది. అయితే ఆ సినిమా గురించి ఎంత తక్కువగా మాట్లాడితే అభిమానులకు అంత ఆనందం. అందుకే అది వదిలేస్తే ఇప్పటివరకు ఆయన నుండి సినిమాలు లేవు. మధ్యలో ఓ మరచిపోవాలనుకునే హిందీ సినిమాలో చిన్న డ్యాన్స్‌ వేశాడు. దీంతో చరణ్ ఫ్యాన్స్‌ ఆయన సినిమా కోసం చాలా రోజులుగా వెయిట్‌ చేస్తున్నారు. ఈ క్రమంలో ‘గేమ్ ఛేంజర్’ (Game changer) మొదలైనా ఇంకా ముందుకెళ్లడం లేదు.
ఈ నేపథ్యంలో ‘గేమ్ ఛేంజర్’ సినిమా తర్వాత అయినా చరణ్ వేగంగా సినిమాలు చేయాలని ఫ్యాన్స్‌ కోరుకుంటున్నారు. అయితే, వారికి ఆనందాన్నిచ్చే ఓ వార్త ఇప్పుడు సినిమా పరిశ్రమ వర్గాల్లో చక్కర్లు కొడుతోంది. మామూలుగా అయితే ఇలాంటి వార్తలు తెగ వస్తాయి, జరగవు కానీ.. ఈసారి జరిగే అవకాశం ఉంది అనే అంటున్నారు. అదే చరణ్ కొత్త సినిమాలు రెండూ ఒకేసారి షూటింగ్‌ జరుపుకుంటాయట. ఛ.. ఊరుకోండి. మన దగ్గర స్టార్ హీరోలు రెండు సినిమాలు పారలల్‌గా నటించడం ఎప్పుడో మానేశారు.
ఏదో ఒకరిద్దరు తప్ప అని అంటారా. అవును మీరు అన్నది నిజమే.. అయితే ఇప్పుడు చరణ్ ఆ ఆలోచనను మారుస్తాడు అంటున్నారు. చరణ్ లైనప్‌లో నెక్స్ట్ రెండు సినిమాలు అంటే ఒకటి బుచ్చిబాబు సానాది (Buchi Babu Sana) కాగా, రెండోది ఆయన గురువు సుకుమార్‌ది. ఆ రెండే ఇప్పుడు పారలల్‌ షూటింగ్‌లో ఉంటాయట. ‘ఆర్ఆర్ఆర్’, ‘గేమ్ ఛేంజర్’ దెబ్బకు మూడేళ్లకు పైగా గ్యాప్‌ రావడంతో వెంటవెంటనే సినిమాలు ప్రేక్షకులకు ఇవ్వాలని చరణ్ ఇలా అనుకుంటున్నాడట.
అయితే లుక్‌లు, లీక్‌ల సమస్య లేకుండా ఎలా ప్లాన్‌ చేసుకుంటాడో చూడాలి. ఒకవేళ చరణ్ ఈ పని చేస్తే మాత్రం మిగిలిన హీరోలు కూడా ఈ తరహాలో ఆలోచన చేయొచ్చు. బుచ్చిబాబు సానా సినిమా స్పోర్ట్స్‌ – విలేజ్‌ బ్యాక్‌డ్రాప్‌లో ఉంటుంది అని చెప్పారు. ఇక సుకుమార్ (Sukumar) సినిమా కూడా దాదాపు విలేజ్‌ బ్యాక్‌డ్రాపే అంటున్నారు. కానీ ఎలాంటి కన్‌ఫామ్‌డ్‌ లీకులు రాలేదు.
Home