కెజిఎఫ్ షూటింగ్ స్పాట్ లో యష్…వైరల్ అవుతున్న పిక్

October 8, 2020 / 04:25 PM ISTByFilmy Focus

Join Us

కెజిఎఫ్ షూటింగ్ స్పాట్ లో యష్…వైరల్ అవుతున్న పిక్

దర్శకుడు ప్రశాంత్ నీల్ మరో సంచలనానికి సిద్ధం అవుతున్నారు. కెజిఎఫ్ ప్రాంచైజీలో రెండవ చిత్రంగా వస్తున్న కెజిఎఫ్ 2 షూటింగ్ ఆయన చక చకా పూర్తి చేస్తున్నారు. ఇప్పటికే షూటింగ్ చివరి దశకు చేరుకోగా, కీలక సన్నివేశాల చిత్రీకరణ జరుగుతుంది. కెజిఎఫ్ 2లో ప్రధాన విలన్ గా చేస్తున్న సంజయ్ దత్ పార్ట్ కూడా పూర్తి చేసినట్లు సమాచారం. అనారోగ్య సమస్యలతో బాధపడుతున్న సంజయ్ అమెరికా నుండి వచ్చి ఈ మూవీ షూట్ లో పాల్గొన్నారు.

ఇక హీరో యష్ పైన పతాక సన్నివేశాలకు సంబంధించిన కీలక సన్నివేశాల చిత్రీకరణ జరుగుతుంది. తాజాగా కెజిఎఫ్ 2 షూట్ లో పాల్గొన్న యష్ ఫోటో ఒకటి బయటికి వచ్చింది. తెల్ల షర్ట్ ధరించి టక్ చేసుకొని రాఖీ భాయ్ గెటప్ లో యష్ ఆసక్తి రేపుతున్నాడు. సముద్రం వైపు చూస్తూ ఏదో దీర్ఘంగా ఆలోచిస్తున్న యష్ సీరియస్ లుక్ వెనుక ఆంతర్యం ఏమిటో తెలుసుకోవాలంటే మూవీ విడుదల వరకు ఆగాల్సిందే.

కెజిఎఫ్ మొదటి భాగంలో కూడా రాఖీ భాయ్ ‘సముద్రం లోతెంతో తెలియకుండా ఏలేది ఎలా..” అంటాడు. షూటింగ్ సెట్స్ నుండి బయటికి వచ్చిన యష్ ఫోటో చూస్తే ఆ సన్నివేశం గుర్తుకు వస్తుంది. గతంలో అక్టోబర్ 23 కెజిఎఫ్ 2 విడుదల తేదీగా ప్రకటించారు. ఐతే ఈ చిత్రం సంక్రాంతి బరిలో ఉన్నట్లు తెలుస్తుంది.