టాలీవుడ్‌లో 2025 సంక్రాంతి సీజన్ (Sankranti) మరోసారి రసవత్తరమైన పోటీని తలపించింది. గతేడాది లాగే ఈసారి కూడా భారీ అంచనాల మధ్య పలు చిత్రాలు థియేటర్లలో అడుగుపెట్టాయి. జనవరి నెల మొత్తం సినిమాలతో నిండకపోయినా, ఎప్పటిలాగే అసలు హంగామా సంక్రాంతికే పరిమితమైంది. చిన్న సినిమాల హవా కొద్దిగా కనిపించినా, జనవరి మొదటి వారంలో విడుదలైన చిత్రాలు ఎక్కువ రోజులు నిలవలేకపోయాయి. ఈ ఏడాది సంక్రాంతి బరిలో గేమ్ ఛేంజర్ (Game Changer), డాకు మహారాజ్ (Daaku Maharaaj), సంక్రాంతికి వస్తున్నాం (Sankranthiki Vasthunam) సినిమాలు గ్రాండ్ గా రిలీజ్ అయ్యాయి.
రామ్ చరణ్ (Ram Charan) ప్రధాన పాత్రలో శంకర్ (Shankar) దర్శకత్వంలో తెరకెక్కిన గేమ్ ఛేంజర్ భారీ అంచనాల మధ్య విడుదలైంది. ఆర్ఆర్ఆర్ తర్వాత చరణ్ చేసిన మూవీ కావడంతో, ఫ్యాన్స్ భారీగా ఎక్స్‌పెక్ట్ చేశారు. కానీ, సినిమా ఫలితం మాత్రం అందరి అంచనాలను తలకిందులు చేసింది. భారీ బడ్జెట్, హై టెక్నికల్ వాల్యూస్ ఉన్నా, కథాపరంగా మెప్పించలేకపోయింది. ఫలితంగా ఈ చిత్రం మేకర్స్‌కు భారీ నష్టాలను మిగిల్చినట్లు ట్రేడ్ వర్గాలు చెబుతున్నాయి. దీని తర్వాత వచ్చిన బాలకృష్ణ (Nandamuri Balakrishna) డాకు మహారాజ్ సినిమాకి మాత్రం అదృష్టం కలిసి వచ్చింది.
బాబీ కొల్లి (K. S. Ravindra) దర్శకత్వంలో తెరకెక్కిన ఈ మూవీ ఫస్ట్ హాఫ్, స్టైలిష్ మేకింగ్ వల్ల ప్రేక్షకులను బాగా ఆకట్టుకుంది. బాలయ్య కెరీర్లో మరో హిట్‌ను తన ఖాతాలో వేసుకున్నారు. వెంకటేష్ (Venkatesh Daggubati), అనిల్ రావిపూడి (Anil Ravipudi) కాంబోలో వచ్చిన సంక్రాంతికి వస్తున్నాం అయితే పక్కా పండుగ సినిమా అన్నట్టుగా విజయవంతమైంది. ఫ్యామిలీ ఎంటర్టైనర్‌గా ప్రేక్షకులను ఆకట్టుకుంటూ, భారీ వసూళ్ల దిశగా దూసుకుపోతోంది. 2024లో జరిగిన ఘటనలు ఈ ఏడాది మరోసారి రిపీట్ అయినట్టే అనిపిస్తోంది.
అప్పట్లో గుంటూరు కారం (Guntur Kaaram) భారీ అంచనాలతో వచ్చి మిక్స్‌డ్ రెస్పాన్స్‌ను మూటగట్టుకోగా, హనుమాన్ అనూహ్యంగా భారీ బ్లాక్‌బస్టర్ అయ్యింది. ఇప్పుడు అదే రీతిలో గేమ్ ఛేంజర్ ఆశించిన ఫలితం అందుకోలేకపోయింది. మరోవైపు వెంకటేష్ సంక్రాంతికి వస్తున్నాం హిట్ ట్రాక్‌ను అందుకుంది. అప్పుడు, ఇప్పుడు నెల చివరిలో కొన్ని చిన్న సినిమాలు విడుదలకు సిద్ధమవ్వడం, బాక్సాఫీస్‌లో టాలీవుడ్ స్ట్రాటజీ అలాగే ఉండటం ఆసక్తికరంగా మారింది. సంక్రాంతి (Sankranti) టాలీవుడ్‌కు ఎప్పుడూ ప్రత్యేకమైనదే. కానీ, సీజన్ అనుకున్నట్టు ఫలితం ఇస్తుందా? అనేది కంటెంట్‌నే ఆధారపడి ఉంటుంది.
Home